Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వడ చెన్నై పబ్లిక్ టాక్.. ధనుష్ ఇరుదీశాడు.. కెరీర్లోనే అత్యుత్తమ నటన
దర్శకుడు వెట్రిమారన్, విలక్షణ నటుడు ధనుష్ కాంబినేషన్లో వచ్చిన వడ చెన్నై చిత్రానికి రిలీజ్ ముందే మంచి క్రేజ్ ఏర్పడింది. భారీ అంచనాలతో దసరా కానుకగా ఈ చిత్రం అక్టోబర్ 17న రిలీజైంది. ధనుష్ సరసన ఐశ్వర్య రాజేష్, అమీర్, ఆండ్రియా, కిషోర్ తదితరులు నటించారు. ఈ చిత్రానికి తొలి ఆట నుంచే భారీ స్పందన లభిస్తున్నది. సోషల్, ఇంటర్నెట్ మీడియాలో పబ్లిక్ వెల్లడిస్తున్న టాక్ మీ కోసం..
వడ చెన్నై కథేంటంటే..
అంబు (ధనుష్) జాతీయ స్థాయి క్యారమ్ ప్లేయర్. ఉత్తర చెన్నైలోని గ్యాంగస్టర్స్తో అంబుకి విభేదాలు ఏర్పడుతాయి. మాఫియా ట్రాప్లో పడిన అంబు జీవితం ఎలాంటి ఆటుపోట్లకు గురైంది. మాఫియాను ఎలా ఎదురించాడనేది ఈ సినిమా కథ. ఈ చిత్రంలో మాఫియాతో రాజకీయ నేతల సంబంధాలు, గ్యాంగ్స్టర్ల ఉత్తాన పతనాలును చక్కగా తెరకెక్కించడంలో దర్శకుడు వెట్రిమారన్ సక్సెస్ అయ్యాడనే మాట వినిపిస్తున్నది.
ఉత్తర మద్రాస్లో సంఘటనలు
ఉత్తర మద్రాస్లో జరిగిన యదార్థ సంఘటనలతో ఈ సినిమాను వెట్రిమారన్ తెరకెక్కించాడు. నాటు కథను ఒరిజినల్ తెరపైన చూపించాడనే మాట వినిపిస్తున్నది. సన్నివేశాలు సహజసిద్ధంగా ఉండటం ఈ సినిమాకు ప్లస్గా మారింది. కలుషిత రాజకీయాలు ప్రేక్షకుడిని ఆలోచింపజేసే విధంగా ఉంది.
రియాలిటీకి, సహజత్వానికి దగ్గరగా
మాస్ క్యారెక్టర్లతో రియాలిటీకి దగ్గర కథ, కథనాలు వడా చెన్నై చిత్రానికి బలంగా మారాయి. అంబు పాత్రలో ధనుష్ ఒదిగిపోయాడు. కెరీర్లోనే అత్యుత్తమ ప్రదర్శన ఇచ్చాడు. ధనుష్, ఐశ్వర్య రాజేష్ కెమిస్ట్రీ బాగా పండింది.
బ్యాక్ గ్రౌండ్ స్కోర్ అద్భుతంగా
అమీర్, అండ్రియా, సముద్రఖని, కిషోర్ పాత్రలు సినిమాకు సపోర్ట్గా నిలిచాయి. సంతోష్ నారాయన్ బ్యాక్ గ్రౌండ్ స్కోర్, ఆర్ట్ డిజైన్, సౌండ్ డిజైన్ అద్భుతంగా ఉన్నాయి. సినిమాటోగ్రఫి ఈ సినిమాకు అదనపు ఆకర్షణ అని నెటిజన్లు సోషల్ మీడియాలో అభిప్రాయాలను వ్యక్తం చేశారు.
మూడు పార్టులుగా
వడా చెన్నైను మూడు పార్టులగా తెరకెక్కించబోతున్నారు. ధనుష్తో ఫస్ట్ పార్ట్ అక్టోబర్ 17న విడుదల కాగా, పార్ట్ను తెరకెక్కించేందుకు ప్లాన్ చేస్తున్నారు. ఈ సినిమాను తొలుత శింబుతో తీయాలని వెట్రిమారన్ అనుకొన్నారు. కానీ కొన్ని కారణాల వల్ల ఈ చిత్రం ధనుష్తో సాధ్యపడింది.