హోమ్

Tamil

చెన్నై : 22 వ పులకేసి చిత్రంలో హీరోగా మారిన తమిళ కమిడయన్ వడివేలు...వరసగా హీరోగా సినిమాలు చేస్తున్నారు. తాజాగా 'వైగై పుయల్‌' వడివేలు నటిస్తున్న తాజా చిత్రం 'ఎలి'. యువరాజ్‌ దర్శకత్వం వహిస్తున్నారు. సిటీ సినీ క్రియేషన్స్‌ బ్యానరుపై సతీష్‌కుమార్‌ భారీ బడ్జెట్‌తో ఈ సినిమాను తెరకెక్కిస్తున్నారు.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

ఇందులో విశేషమేమిటంటే...సదా హీరోయిన్. అంతేకాకుండా ఈ కాంబినేషన్ ఓ ప్రత్యేకమైన పాటను చిత్రీకరించారు. అదేమిటంటే...1969లో రాజేష్‌ఖన్నా, షర్మిల జోడీగా నటించిన 'ఆరాధన' చిత్రంలోని 'మేరే స్వప్నోంకి రాణి' అనే పాటను ఇందులో రీమేక్‌ చేశారు.

ఈ పాటను అధికారికంగా హక్కులు సొంతం చేసుకుని ఇందులో వినియోగించినట్లు చిత్రవర్గాలు పేర్కొంటున్నాయి. ఇటీవలే ఈ పాట చిత్రీకరణను పూర్తి చేశారు. ఓ తమిళ సినిమాలో పూర్తి హిందీ పాట ఉండటం ఇదే ప్రథమమని సమాచారం.

త్వరలోనే సూపర్‌ సుబ్బరాయన్‌ సమక్షంలో హాస్యపూరిత పోరాట సన్నివేశాలను తెరకెక్కించనున్నారు. సినిమాలకు ఇవి ప్లస్‌పాయింట్‌గా ఉంటాయని చిత్రవర్గాలు పేర్కొంటున్నాయి. 'టాకింగ్‌ టామ్‌' మాదిరిగా 'టాకింగ్‌ ఎలి' పేరిట ఇటీవల ఓ యాప్‌ను విడుదల చేసినట్లు తెలిపాయి. ఈనెలాఖరులో పాటలను ఆవిష్కరించేందుకు సన్నాహాలు చేస్తున్నాయి.

చిత్రం విషయానికి వస్తే...

జయం అపరిచితుడు చిత్రాలతో దక్షిణాది ప్రేక్షకులకు సుపరిచితురాలైంది సదా. ఈ సినిమాలతో కథానాయికగా చక్కటి గుర్తింపును సొంతం చేసుకుంది. కానీ ఆ తర్వాత ఆమె నటించిన సినిమాలు పరాజయాల బాట పట్టడంతో అచిరకాలంలోనే స్టార్‌ఇమేజ్‌కు దూరమైంది. కొంతకాలంగా ప్రత్యేక గీతాలు, అతిథి పాత్రలకే పరిమితమవుతూ వస్తోన్న ఆమె ఎనిమిదేళ్ల విరామం తర్వాత కథానాయికగా తమిళంలో రీఎంట్రీ ఇవ్వనుంది.

హాస్యనటుడు వడివేలు హీరోగా ఎలి పేరుతో ఓ చిత్రం తెరకెక్కుతోంది. యువరాజ్ దర్వకత్వం వహిస్తున్న ఈ చిత్రంలో సదా హీరోయిన్‌గా నటిస్తోంది. ఈ చిత్రంలో వడివేలు కలల సుందరిగా ఆమె పాత్ర చాలా ఆసక్తికరంగా సాగుతుంది చిత్రబృందం వెల్లడించింది. వేసవి కానుకగా ఈ చిత్రాన్ని ప్రేక్షకుల ముందుకు తీసుకొస్తున్నారు.

సదా మాట్లాడుతూ కథల ఎంపికలో జరిగిన కొన్ని పొరపాట్ల వల్లే కెరీర్‌లో గ్యాప్ ఏర్పడింది. మళ్లీ అలాంటి తప్పులను పునరావృతం చేయకూడదనే అవకాశాలు వచ్చినా మంచి కథ కోసం ఇన్నాళ్లపాటు ఆగాను. ఈ చిత్ర కథ నన్ను బాగా ఆకట్టుకుంది. నటనకు ఆస్కారమున్న పాత్రలో నటిస్తున్నాను. చాలా రోజుల తర్వాత ఓ మంచి సినిమాలో నటిస్తున్నందుకు ఆనందంగా ఉంది. ఈ సినిమాతో కథానాయికగా పూర్వవైభవాన్ని పొందుతాననే నమ్మకముంది అని చెప్పింది.