నా తల్లి మరణానికి కారణం అదే.. కనీసం 100 సూసైడ్ చేసుకోవాల్సిందే.. వనితా విజయ్ కుమార్

నా తల్లి మాటను ఎదురించా

నా వ్యక్తిగత జీవితంలో అనేక సమస్యలు వచ్చాయి. వాటిని ధైర్యంగా ఎదుర్కొన్నాను. నా పెళ్లి, కాపురం విషయంలో తల్లిదండ్రులను ఎదురించాను. దాంపత్య జీవితంలో నేను రాజీ పడదలుచుకోలేదు. కాబట్టి నా తల్లి మాటను ఎదురించి తొలి మ్యారేజ్‌ విషయంలో డైవోర్స్ తీసుకొన్నాను అని వనిత విజయ్ కుమార్ తెలిపారు.

100 సార్లైనా సూసైడ్ చేసుకొనే వారేమో

నా జీవితంలో నేను అనుభవించిన కష్టాలు మరొకరికి ఎదురైతే పరిస్థితులు దారుణంగా ఉండేవి. మరొకరికి నా కష్టాలు వస్తే కనీసం 100 సార్లైనా సూసైడ్‌కు ప్రయత్నించే వారేమో. కానీ నేను ధైర్యం అన్ని కష్టాలను దాటుకొంటూ వచ్చాను. ఎలాంటి ఫలితం వచ్చినా అది నాకు సమ్మతమే అని వనితా విజయ్ కుమార్ అన్నారు.

నా తల్లి మరణానికి కారణం

నా తల్లి మంజుల పరిపూర్ణమైన జీవితాన్ని అనుభవించారు. నా పర్సనల్ లైఫ్‌లో కష్టాలు చూసి బాధపడ్డారు. కానీ నా వల్ల మరణించారనేది కరెక్ట్ కాదు. కొన్ని కారణాల వల్ల ఆమె ఆరోగ్యం చెడిపోయింది. అనారోగ్యం నుంచి కోలుకోలేకపోయారు. అలా మా నుంచి దూరమయ్యారు అని వనిత విజయ్ కుమార్ చెప్పారు.

తండ్రిగా కంటే మంచి భర్త

నటుడు విజయ్ కుమార్ మాకు తండ్రిగా కంటే మా అమ్మకు మంచి భర్త. వారిద్దరూ అద్భుతమైన దాంపత్య జీవితాన్ని ఎంజాయ్ చేశారు. నాకు నాన్నతో వ్యక్తిగత విభేదాలు ఉన్నప్పటికీ వారిపై కొంత కోపం, గౌరవం ఉన్నాయి. కానీ అమ్మ చనిపోయేంత వరకు నాన్న చాలా బాగా ఉన్నారు అని వనితా విజయ్ కుమార్ చెప్పారు.

11 రోజుల్లోనే ప్రేమ, పెళ్లి

మా నాన్న విజయ్ కుమార్, అమ్మ మంజులది ప్రేమ వివాహం. అప్పట్లో అమ్మ స్టార్ హీరోయిన్, నాన్న అప్పుడప్పడే ఎదుగుతున్న నటుడు. వారిద్దరు కలిసి ఓ సినిమాలో నటించారు. అది రిలీజ్ కాలేదు. కేవలం 11 రోజుల షూటింగు అనంతరం వారిద్దరూ ప్రేమలో పడి పెళ్లి చేసుకొన్నారు అని వనితా విజయ్ కుమార్ తెలిపారు.