‘వేలైక్కారన్’ తొలిపాట రిలీజైంది

తమిళ హీరో శివకార్తికేయన్ ప్రస్తుతం 'వేలైక్కారన్' అనే తమిళ సినిమాలో నటిస్తున్నాడు. ఇప్పటికే విడుదలైన ఫస్ట్ లుక్ పోస్టర్‌కు మంచి స్పందన వచ్చింది ఈ చిత్రంలో శివకార్తికేయన్‌తో పాటు మళయాల నటుడు పహాద్ ఫాజిల్ ముఖ్యమైన పాత్ర పోషిస్తున్నాడు.

తాజాగా ఈ చిత్రానికి సంబంధించిన ఫస్ట్ సాంగ్ రిలీజ్ చేశారు. సంగీత దర్శకుడు అనిరుధ్ కంపోజ్ చేసిన ఈ పాటకు మంచి స్పందన వస్తోంది. స్టూడియస్ 24 బేనర్లో ఈ చిత్రాన్ని తెరకెక్కిస్తున్నారు.

పాట వినేందుకు క్లిక్ చేయండి

ఈ చిత్రంలో ఇంకా నయనతార, ప్రకాష్ రాజ్, రోహిణి, సతీష్, ఆర్.జె బాలాజీ తదితరులు నటిస్తున్నారు. మోహన్ రాజా ఈ చిత్రానికి దర్శకత్వం వహిస్తున్నారు. రాజా ఇంతకు ముందు తమిళ సూపర్ ఫిల్మ్ 'తాని ఒరువన్' చిత్రాన్నికి దర్శకత్వం వహించారు.

ఎంటర్టెన్మెంటుతో పాటు ఒక సోషల్‌మెసేజ్ జోడించి ఈ సినిమా తెరకెక్కించినట్లు దర్శక నిర్మాతలు తెలిపారు. 'వేలైక్కారన్' మూవీపై తమిళనాడులో అంచనాలు భారీగా ఉన్నాయని, సినిమా సూపర్ హిట్ అవడం ఖాయమని తెలిపారు.