అజిత్-విజయ్ పిక్ వైరల్.. ప్రేమను పంచండి ద్వేషాన్ని ఆపండి.. దర్శకుడి కామెంట్స్

అజిత్-విజయ్ ఫ్యాన్స్ హల్చల్..

ఫ్యాన్ వార్ అనేది ఎక్కడైనా సర్వసాధారణమే అయినా.. తమిళనాట మాత్రం హద్దులు దాటుతుంది. వేళాపాళా లేకుండా ఇరువురు ఫ్యాన్స్ సోషల్ మీడియాలో తలపడుతూనే ఉంటారు. వీరి ట్విట్టర్ వార్ ఎంతగా వైరల్ అవుతుందంటే.. దేశమొత్తం వీరి వైపే చూడాల్సి వస్తుంది.

రికార్డుల పేరిట పోరు..

తమ హీరో చిత్రం ఎక్కువ కలెక్ట్ చేసిందంటే.. కాదు కాదు తమ హీరో చిత్రమే రికార్డులు క్రియేట్ చేసిందంటూ హల్చల్ చేస్తారు. అయితే ఈ ఇరువురు హీరోలు వరుసగా బ్లాక్ బస్టర్ హిట్స్ ఇస్తుండటంతో బాక్సాఫీస్ వద్ద లెక్కల పోటీ ఎక్కువైంది.

అజిత్ ఫ్యాన్స్‌ను కూల్ చేసే ప్రయత్నం..

దళపతి ప్రస్తుతం నటిస్తున్న మాస్టర్ చిత్రం ఆడియో వేడుక ఎంత ఘనంగా జరిగిందో అందరికీ తెలిసిందే. ఈ ఈవెంట్‌లో విజయ్ మాట్లాడుతూ.. అజిత్ నా ఫ్రెండ్.. ఆయన స్టైల్లో ఆయనకు నచ్చిన సూట్ వేసుకుని వచ్చానని చెప్పడంతో సభ అంతా ఘోల్లుమంది. అజిత్ ఫ్యాన్స్‌ను మచ్చిక చేసుకునేందుకు విజయ్ అలా ప్రయత్నించాడు.

Recommended Video

Salman Khan Clash with Jackie Shroff for Sangeeta Bijlani Now Goes Viral

ద్వేషాన్ని ఆపండి అంటూ ట్వీట్..

నేడు సోదరుల దినోత్సవం కావడంతో... దర్శకుడు వెంకట్ ప్రభు అజిత్, విజయ్‌లతో కలిసి దిగిన ఫోటోను షేర్ చేశాడు. దీంతో పాటు.. ట్విట్టర్ పీపుల్స్‌కు సిబ్లింగ్ డే శుభాకాంక్షలు.. ప్రేమను పంచండి.. ద్వేషాన్ని ఆపండి అంటూ ట్వీట్ చేశాడు. ఇక ఈ ఫోటో.. ఇరువురి అభిమానులను తెగ ఆకట్టుకుంటోంది.