Don't Miss!
- News హైదరాబాదు వాసులకు కూల్ న్యూస్.. పలు జిల్లాల్లో మూడ్రోజుల పాటు వర్షాలు..!
- Sports ఛాంపియన్లా వస్తున్నాం.. ఇది ఆరంభం మాత్రమే - పంత్
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
'బాద్షా' తమిళ రీమేక్ లో హీరో ఎవరు?
చెన్నై : ఎన్టీఆర్,శ్రీను వైట్ల కాంబినేషన్ లో రెడీ అయి మొన్న శుక్రవారం విడుదల అయిన 'బాద్షా' తమిళ నిర్మాతలను ఆకర్షించింది. బండ్ల గణేశ్ నిర్మించిన ఈ చిత్రంలో కాజల్ హీరోయిన్ . బ్రహ్మానందం, నాజర్, ఎంఎస్ నారాయణ తదితరులు నటించారు. తమిళంలో రీమేక్ హక్కులు పొందిన పీవీపీ సంస్థ కథను విజయ్కి వినిపించినట్లు కోలీవుడ్ వర్గాలు చెబుతున్నాయి.
మరో ప్రక్క అజిత్ కోసం ప్రత్యేక ప్రదర్శన వేసినట్లు చిత్రవర్గాలు అంటున్నాయి. ఈ నేపథ్యంలో కోలీవుడ్ 'బాద్షా' వీరిద్దరిలో ఎవరో ఒకరు ఉండొచ్చని సమాచారం. ప్రస్తుతం 'తలైవా' చిత్రీకరణలో ఉన్న విజయ్ ఇది పూర్తయిన తర్వాత నిర్ణయం తీసుకుంటారని తెలుస్తోంది.
మరో ప్రక్క తమిళనాడులో ఈ చిత్రం స్ట్రైయిట్ వెర్షన్ భారీగానే విడుదలైంది. ఎన్టీఆర్ చెబుతున్న పంచ్ డైలాగులకు నగరంలోని నందమూరి అభిమానులు పులకిస్తున్నారు. భారీ అంచనాల నడుమ శుక్రవారం విడుదలైన 'బాద్షా' చెన్నైలో సందడి చేస్తోంది. శ్రీనువైట్ల దర్శకత్వంలో తెరకెక్కిన ఈ చిత్రం ఆంధ్రప్రదేశ్తోపాటు తమిళనాడులోని చెన్నై తదితర ప్రాంతాల్లోనూ విడుదలయింది. వీకెండ్ లో కలెక్షన్స్ అదరకొట్టినట్లు చెప్తున్నారు.
ఈ సందర్భంగా నగరంలోని క్యాసినో థియేటర్ వద్ద సందడి నెలకొంది. ప్రేక్షకులు ఉదయం నుంచే టిక్కెట్ల కోసం కౌంటర్ వద్ద బారులు తీరారు. ఈ సందర్భంగా ఎన్టీఆర్ అభిమానులు భారీ బ్యానర్లు పెట్టి వాటికి పాలాభిషేకం, పుష్పాభిషేకంతో సందడి చేశారు. టపాకాయలు పేల్చి తమ అభిమానాన్ని చాటుకున్నారు. టిక్కెట్ల కోసం ప్రేక్షకుల మధ్య చిన్నపాటి తొక్కిసలాట చోటుచేసుకోవటంతో పోలీసులు వచ్చి పరిస్థితిని చక్కదిద్దారు.