Don't Miss!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- News పిఠాపురంలో పవన్ కల్యాణ్ గెలుపు కష్టమే ... ప్రముఖ నిర్మాత షాకింగ్ కామెంట్స్
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
హీరో 60వ చిత్రం...రంగం సిద్దం
చెన్నై : విజయ్ తన భారీ ఫ్లాఫ్ చిత్రం ‘పులి' తర్వాత దాన్ని మరిపించటానికి ప్రయత్నాలు చేస్తున్నాడు. తన ఫ్యాన్స్ కోసం వరస ప్రాజెక్టులు రెడీ చేస్తున్నాడు. ప్రస్తుతం ఒప్పుకున్న చిత్రమే కాక...తర్వాత మరో చిత్రం కూడా కమిటయ్యాడు. అది విజయ్ ...60 వ చిత్రం కావటం విశేషం.
‘పులి' తర్వాత రాజు- రాణి.. డైరెక్టర్ అట్లీ దర్శకత్వంలో నటిస్తున్న తాజా చిత్రం తెరి. ఈ సినిమాను ఏ మాత్రం గ్యాప్ ఇవ్వకుండా జోరుగా పూర్తి చేశాడు అట్లీ. విజయ్ కూడా ఇతర చిత్రాలకు ఇచ్చిన విధంగా గ్యాప్ ఇవ్వకుండా వేగంగా ‘తెరి'ని పూర్తి చేశాడు. ‘పులి' విడుదలకు ముందే ‘తెరి' షూటింగ్ సగభాగం పూర్తయింది.
అదే స్పీడు కొనసాగడంతో ఇప్పుడు ‘తెరి' చిత్రం షూటింగ్ పార్ట్ ముగిసింది. దీంతో కొంత గ్యాప్ తీసుకుని విజయ్ కుటుంబంతో సహా విదేశాలకు వెళ్లి విశ్రాంతి తీసుకుంటున్నాడు. ఈ స్థితిలో విజయ్ 60వ చిత్రం గురించి ముఖ్యమైన విషయం వెల్లడైంది. ఈ చిత్రం డైరెక్టర్ భరతన్ దర్శకత్వంలో రూపొందుతున్న విషయం తెలిసిందే.
ఈ చిత్ర కథను విజయ్ వినడం, ఓకే చెప్పడం వంటివి పూర్తయినప్పటికీ విజయ్ చెప్పినట్టు కథలో కొన్ని మార్పులు, చేర్పులు చేయాల్సి ఉంది. దీంతో భరతన్ ఆ పనిలో నిమగ్నమయ్యాడు. ఈ చిత్రంలో నటించే ఇతర తారాగణం ఎంపిక పనులు జోరుగా సాగుతున్నాయి. వీటిని రెండు నెలల్లో పూర్తి చేసి ఏప్రిల్ తొలి వారంలోనే విజయ్ 60వ సినిమా షూటింగ్ పనులు ప్రారంభిస్తామని భరతన్ చెబుతున్నాడు.