భగవద్గీతని అవమానించేలా ట్వీట్.. అసలు నిజం బయట పెట్టిన స్టార్ హీరో!

భగవత్ గీతని అవమానించేలా

సోషల్ మీడియాలో వైరల్ అవుతున్న ట్వీట్ చూసిన నెటిజన్లు విజయ్ సేతుపతిని తప్పుగా అర్థం చేసుకుని ట్రోల్ చేస్తున్నారు. ఇంతకీ ఆ ట్వీట్ లో ఏముందటే.. భగవత్ గీత ఆధ్యాత్మిక పుస్తకం కాదు.. అందులో ఉన్న కల్పిత అంశాలే ప్రస్తుత సమాజం దిగజారడానికి కారణం అని విజయ్ సేతుపతి ట్వీట్ చేసినట్లుగా ఉంది. కానీ వాస్తవానికి ఆ ట్వీట్ విజయ్ సేతుపతి చేయలేదు. విజయ్ సేతుపతి చేసిన మరో ట్వీట్ ని ఫోటో షాప్ చేసి ప్రచారం చేశారు.

మొబైల్స్ చోరీ గురించి

వాస్తవానికి విజయ్ సేతుపతి తమిళనాడు పోలీసులని ప్రశంసిస్తూ ట్వీట్ చేశాడు. మొబైల్ ఫోన్ చోరీలని తగ్గించేందుకు తమిళనాడు పోలీసులు సరికొత్త విధానం అనుసారిస్తున్నారు. దీనిని వివరిస్తూ విజయ్ సేతుపతి ట్వీట్ చేశాడు. విజయ్ సేతుపతి పోలీసులని ఉద్దేశిస్తూ చేసిన ట్వీట్ ఓ మీడియా ఛానల్ లో బ్రేకింగ్ న్యూస్ గా వచ్చింది. ఈ బ్రేకింగ్ న్యూస్ ని ఫోటో షాప్ చేసిన కొందరు విజయ్ భగవత్ గీతని అవమానించినట్లుగా చిత్రీకరించారు.

అలాంటి పనులు చేయను

ఒరిజినల్ ఏదో, ఫేక్ ఏదో చేబోతూ విజయ్ మరో ట్వీట్ చేశాడు. నేను ఏ ఆధ్యాత్మిక పుస్తకాన్ని, పురాణాలని కించపరిచే విధంగా మాట్లాడను. భవిష్యత్తులో కూడా అలాంటి పనులు చేయను. ప్రజల మనోభావాలకు భంగం వాటిల్లకుండా తాను నడుచుకుంటానని విజయ్ సేతుపతి తెలిపాడు. విజయ్ సేతుపతి విలక్షణ నటుడిగా తమిళ చిత్ర పరిశ్రమలో దూసుకుపోతున్నాడు.

తిరుగులేని విజయం

విజయ్ సేతుపతి, త్రిష గత ఏడాది కలసి నటించిన 96 చిత్రం తిరుగులేని విజయాన్ని సాధించింది. విజయ్ సేతుపతి వైవిధ్యం ఉన్న పాత్రలని ఎంచుకుంటూ విజయాలు అందుకుంటున్నాడు. సైరా నరసింహారెడ్డి చిత్రంతో విజయ్ సేతుపతి టాలీవుడ్ లోకి కూడా అడుగుపెట్టబోతున్నాడు. సైరా చిత్రంలో విజయ్ కీలక పాత్రలో నటిస్తున్న సంగతి తెలిసిందే.