LEO: 4 నిమిషాలకే 10 కోట్లు.. ఇండియాలో ఫస్ట్ టైం అలా చేస్తున్న విజయ్

సౌతిండియా మొత్తంలోనే భారీ క్రేజ్‌ను సొంతం చేసుకున్న హీరోలు చాలా తక్కువ మందే ఉన్నారు. అందులో కోలీవుడ్‌కు చెందిన స్టార్ హీరో ఇళయదళపతి విజయ్ ఒకడు. ఈ తమిళ హీరో విలక్షణమైన నటనతో పాటు విభిన్నమైన చిత్రాలను చేస్తూ ప్రత్యేకమైన గుర్తింపుతో దూసుకుపోతోన్నాడు.

దీనికితోడు హిట్లు మీద హిట్లు కొడుతూ సత్తా చాటుతోన్నాడు. అలాగే, తన మార్కెట్‌ను, ఫాలోయింగ్‌ను భారీగా పెంచుకుంటోన్నాడు. ఈ జోష్‌లోనే ఇప్పుడు విజయ్ 'లియో' అనే ఫుల్ లెంగ్త్ యాక్షన్ ఎంటర్‌టైనర్‌ మూవీలో నటిస్తున్నాడు. దీంతో దీనిపై అంచనాలు ఏర్పడ్డాయి.

గతంలో 'మాస్టర్' వంటి బిగ్గెస్ట్ హిట్‌ను అందించిన లోకేష్ కనగరాజ్‌ దర్శకత్వంలో ఇళయదళపతి విజయ్ నటిస్తోన్న చిత్రమే 'లియో'. హిట్ కాంబోలో రాబోతున్న ఈ చిత్రం పూర్తి స్థాయి హై రేంజ్ యాక్షన్‌తో తెరకెక్కుతోంది.

ఇప్పటికే దీనికి సంబంధించిన చాలా వరకూ షూటింగ్ కూడా కంప్లీట్ అయింది. మిగిలిన దాన్ని కూడా వీలైనంత త్వరగా పూర్తి చేసుకుని.. ఈ చిత్రాన్ని దసరా కానుకగా విడుదల చేసేందుకు చిత్ర యూనిట్ సన్నాహాలు చేస్తోంది. ఈ నేపథ్యంలో తాజాగా ఈ మూవీ నుంచి ఓ క్రేజీ న్యూస్ బయటకు వచ్చింది.

పవర్‌ఫుల్ కాంబినేషన్‌లో రాబోతున్న 'లియో' మూవీలో 'హైనా ఫైట్' మేజర్ హైలైట్‌గా నిలవబోతుందట. ఇది హీరో ఇంట్రడక్షన్‌ సమయంలో వస్తుందని తెలిసింది. ఇందులో ఇళయదళపతి విజయ్ హైనా (జంతువు)తో ప్రాణాలకు తెగించి ఫైట్ చేస్తాడట. ఈ సీక్వెన్స్ ఇండియాలో ఇప్పటి వరకూ చూపించని విధంగా రూపొందిస్తున్నట్లు తెలిసింది.

కంప్యూటర్ గ్రాఫిక్స్‌తో డిజైన్ చేస్తున్న ఈ సీన్ కోసం చిత్ర యూనిట్ ఏకంగా రూ. 10 కోట్లు ఖర్చు చేస్తుందని తెలిసింది. ఇక్కడ మరో విశేషం ఏంటంటే.. ఈ సీన్ కేవలం 4 నిమిషాలే ఉంటుందట. అయినా అంత ఖర్చు చేస్తున్నారంటే... ఈ యాక్షన్ సీక్వెన్స్ ఏ రేంజ్‌లో ఉండబోతుందో అర్థం చేసుకోవచ్చు. ఈ న్యూస్ లీకైన తర్వాత అంచనాలు రెట్టింపు అవుతున్నాయి.

ఎంతో ప్రతిష్టాత్మకంగా రాబోతున్న 'లియో' చిత్రాన్ని లలిత్ కుమార్, జగదీష్ పళనిస్వామి నిర్మిస్తున్నారు. ఇందులో త్రిష హీరోయిన్‌గా చేస్తోంది. అలాగే, సంజయ్ దత్ విలన్‌గా నటిస్తున్నాడు. అనిరుధ్ మ్యూజిక్ ఇస్తున్నాడు. ఇక, ఈ మూవీ అక్టోబర్ 19న రిలీజ్ కాబోతుంది.