నయనతార లక్కీ ఛాన్స్

By Staff

Published: Thursday, March 5, 2026, 13:21 [IST]

నయనతార ఇప్పుడు సౌత్ ఫిల్మ్ ఇండస్ట్రీలో హాట్ హీరోయిన్. ప్రతీ దర్శకుడు ,నిర్మాత,హీరో అందరూ ఆమె తో సినిమా చేయాలనే కోరుకుంటున్నారు. అలాగే వైవిధ్యమైన సినిమాలతో రోజరోజుకు ఎదిగి పోతున్న హీరో విక్రమ్ . అతని ప్రక్కన హీరోయిన్ గా చేయటానికి హీరోయిన్లు ఎగబడుతూంటారు. తాజాగా ఆ అవకాసాన్ని నయనతార చేజిక్కుచ్చుకుంది. అందులోనూ తన సమీప ప్రత్యర్థి త్రిష ఇంతకుముందే విక్రమ్ తో భీమా లో చేసింది. దాంతో ఆమె చాలా హ్యాపీగా ఉంది.కె.యస్.రవి కుమార్ దర్శకత్వం వహించే ఈ సినిమాలో గ్లామరే గాక నటనకు ప్రథానమైన పాత్ర పోషించబోతోందిట.

నిజానికి 'మల్లన్న' (తమిళంలో 'కందసామి') సినిమా తర్వాత విక్రమ్ తెలుగులో స్ట్రెయిట్ సినిమా చేస్తానని చెప్పాడు. ఆదీ బొమ్మరిల్లు భాస్కర్ దర్శకత్వంలో అని స్పష్టం చేసాడు. కాని ఇప్పడది మెటీరిలైజ్ అయ్యేట్లు కనపడటం లేదు. కారణం చెన్నైలో రిలీజయిన రోజే 'పరుగు' సినిమాను అతను చూసాడట. బాగా అసంతృప్తి చెందాడుట. భాస్కర్ ఆ చిత్రాన్ని రూపొందించిన తీరు నచ్చలేదని దగ్గరవాళ్ళ దగ్గర కామెంట్ చేసాడుట. అందుకే తెలుగు స్ట్రెయిట్ సినిమాను మరి కొంతకాలం వాయిదా వేసుకుందామనే నిర్చయనికి వచ్చాడుట. కె.యస్.రవి కుమార్ సినిమా జూన్‌లో లాంఛనంగా ప్రారంభం కానున్నది. ఆ తరువాత మణిరత్నం సినిమాలో విక్రమ్ చేస్తాడట. అంటే పరుగు పరాజయం నయనతార కి కలసి వచ్చినట్లే. ఆమెకు ఎప్పటినుంచో విక్రమ్ ప్రక్కన చేయాలని కోరికట. అదే విక్రమ్ భాస్కర్ సినిమా చేస్తే నయనకు ఆఫర్ వచ్చేదా అని ఆమె అభిమానులు అనుకుంటున్నారు.

More from Filmibeat