ఇక ప్రియమణికి 'జింతాకు చిత చితా'

By Staff

Published: Sunday, March 8, 2026, 8:24 [IST]

'జింతాకు చిత చితా'మేనరిజంతో పాపులర్ అయిన 'విక్రమార్కుడు' సినిమా ఇప్పుడు తమిళంలోకి రీమేక్ కాబోతోంది. రవితేజ చేసిన ద్విపాత్రలను అక్కడ కార్తీక్ చేయనున్నాడు. ప్రియమణి,అనూష్క హీరోయిన్స్ గా చేస్తున్నారు. గజనీ ఫేమ్ సూర్య తమ్ముడైన కార్తీక్ చేసింది ఒక్క సినిమా పరుత్తి వీరన్ మాత్రమే అయినా చాలా పేరు తెచ్చుకున్నాడు.

ఆ సినిమాలో పాత్రకు గాను అతను ఫిలిం ఫేర్ అవార్డును సొంతం చేసుకున్నాడు. ఇక ఈ సినిమాను సెల్వరాఘవన్ ఆయిరత్తిల్ ఒరువన్ పేరుతో తెరకెక్కిస్తున్నాడు. స్టూడియో గ్రీన్ పతాకంపై రూపొందే ఈ సినిమాకు ఇప్పటికే మార్కెట్ లో మంచి క్రేజ్ వచ్చింది. అలాగే ప్రియమణి తో చేసిన పరుత్తి వీరన్ హిట్టవటంతో ఆ కాంబినేషన్ మళ్ళీ వర్కవుట్ అవుతుందనే ఈ నిర్ణయం తీసుకున్నారని తెలుస్తోంది. ఆ సినిమాకు గానూ ఆమె జాతీయ అవార్డును సైతం సొంతం చేసుకుంది.

More from Filmibeat