Don't Miss!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Technology Truecaller Spam Model స్పామ్ కాల్స్కు చెక్ పెట్టేందుకు ట్రూకాలర్ కొత్త టూల్ విడుదల..!
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Sports అనూహ్య ఘటనను ఎదుర్కొన్న రోహిత్ శర్మ
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
శరత్ కుమార్ కుమార్తెపై వివాదస్పద వ్యాఖ్యలు చేసిన నటుడు విమల్.. హాట్ టాపిక్
సీనియర్ నటుడు శరత్ కుమార్ కుమార్తె వరలక్ష్మి శరత్ కుమార్ పై నటుడు విమల్ వివాదాస్పద వ్యాఖ్యలు చేశారు. ముత్తుకుమారన్ దర్శకత్వంలో తెరకెక్కిన కొత్త చిత్రం 'కాన్ని రాశి'లో ఈ ఇద్దరూ జంటగా నటించారు. ఇటీవలే షూటింగ్ కంప్లీట్ చేసుకున్న ఈ సినిమా ప్రస్తుతం ప్రమోషన్ కార్యక్రమాలతో బిజీగా ఉంది. ఈ నేపథ్యంలో ఇద్దరూ కలిసి తాజాగా ఓ ఇంటర్వ్యూలో పాల్గొన్నారు. ఇందులో భాగంగా నటి వరలక్ష్మి శరత్ కుమార్ పై నటుడు విమల్ చేసిన వ్యాఖ్యలు చర్చనీయాంశంగా మారాయి.
వరలక్ష్మి శరత్ కుమార్ తో కలిసి నటించడం గురించి మాట్లాడిన విమల్.. తాను మొదటిసారి ఓ మగాడికి జోడీగా నటించానని విమల్ అనేయడంతో అంతా ఒక్కసారిగా షాకయ్యారు. అయితే ఆ వెంటనే తనని తాను సమర్ధించుకునే ప్రయత్నం చేశాడు విమల్. 'అంటే నా ఉద్దేశం అది కాదు. ఆమెతో కలిసి పనిచేయడంలో నాకు ఎలాంటి ఇబ్బందికి కలుగలేదు. ఈ చిత్రంలో ఆమె పాత్ర చాలా సహజంగా ఉంటుంది. కెమెరా ఆన్ అనగానే ఆమె వెంటనే పాత్రలో లీనమై పోయి సహజంగా నటిస్తుంది' అన్నాడు విమల్.
ఇక ఇదే ఇంటర్వ్యూలో వరలక్ష్మి శరత్ కుమార్ తన పెళ్లి గురించి ఆసక్తికరంగా స్పందించడం మరో విశేషం. తాను ప్రేమ వివాహం చేసుకుంటానా లేక పెద్దలు కుదిర్చిన పెళ్లి చేసుకుంటానా? అనే సంగతేమో గానీ అసలు పెళ్లి చేసుకోవాలన్న ఆలోచన కూడా తనకు లేదని ఆమె తెలిపింది. దీంతో వరలక్ష్మి పెళ్లిపై కొంతకాలంగా చర్చలు నడుస్తున్నాయి. తమిళ హీరో విశాల్ను పెళ్లి చేసుకుంటారంటూ అప్పట్లో వార్తలు వస్తే వాటిని కొట్టిపారేసింది వరలక్ష్మి. ఈ నేపథ్యంలోనే తన ప్రేమ, పెళ్లికి సంబంధించి మీడియాలో వస్తున్న కథనాలను ఎప్పటికప్పుడు ఫుల్ స్టాప్ పెడుతూ వస్తోంది వరలక్ష్మి శరత్ కుమార్.