విశాల్...సూపర్ మెన్

By Staff

Published: Wednesday, March 11, 2026, 13:22 [IST]

'పందెంకోడి'లా ముందుకు దూసుకెళ్తున్న విశాల్ వచ్చే సంవత్సరం ఓ సినిమాకి దర్శకత్వం వహించబోతున్నాడనే సంగతి తెలిసిందే.అయితే ఆ సినిమా ఓ 'సూపర్ మేన్' టైపు చిత్రం అని అతని సోదరుడు విక్రమ్ కృష్ణ చెపుతున్నారు. హృతిక్ రోషన్ హిట్ సిన్మా 'క్రిష్' లా ఇది మానవాతీత శక్తులుతో సాగుతుందని స్క్రిప్టు గురించి క్లూస్ ఇస్తున్నాడు.అయితే ఎప్పుడో మన ఎన్టీఆర్ సూపర్ మేన్ చేసారు. హనుమంతుడు నుండి శక్తులు పొందినట్లుగా ఈ సినిమాలో ఉంటుంది.అలా నేటివిటిని జోడించి ఆ సినిమాను చేసారు. అయితే 'క్రిష్'మాత్రం సూపర్ మేన్ సిరీర్ లోని సీన్లను కాపీకొడ్తూ,'పేచెక్'సినిమాలోని విలనీని తీసకుని రాకేష్ రోషన్ రూపొందించారు.

'క్రిష్'సినిమా స్క్రిప్టు పరంగా ఏవరేజ్ గా ఉన్నా కలెక్షన్స్ లో సంచలన రికార్డులు సృష్టించింది.ఇప్పుడు విశాల్ అలాంటి సినిమాను తన తొలి దర్శక ప్రతిభను నిరూపించుకోవటానికి ఎన్నుకోవటం హర్షనీయమే.కానీ సినిమా మొత్తం గ్రాఫిక్స్ తో నిండి ఉండటంతో ఆ విభాగానికే పేరు వస్తుంది.అందులోనూ ఈ తరహా పాత్రలు ప్రేక్షకులకు కొత్త కాకపోవటం మరో మైనస్ .అయినా రిటన్స్ పరంగా మంచి మార్గం కావటం దీనికున్న పెద్ద ప్లస్ పాయింటు.అదే డబ్బు విషయంలో పూర్తి నిక్కచ్చిగా ఉండే విశాల్ కి నచ్చిఉండవచ్చు.

ఇక అతని బైలింగ్వల్ చిత్రం 'సెల్యూట్' ఈ నెల 14న ప్రేక్షకుల ముందుకు వచ్చేందుకు సిద్ధమవుతోంది. నయనతార హీరోయిన్‌గా నటిస్తున్న ఈ చిత్రాన్ని దర్శకుడు రాజశేఖర్ రూపొందించారు. విశాల్ సోదరుడు విక్రమ్ కృష్ణ ఈ చిత్రాన్ని నిర్మించారు.రాజశేఖర్ గతంలో ఇండియాటుడే లో పనిచేసారు. అందుకే సినిమా మొత్తం వాస్తవిక సంఘటనలతో ఉంటుందిట.అలాగే ఐస్ క్రీమ్స్ లో డ్రగ్స్ పెట్టి అమ్మే కల్చర్ ఈ సినిమాలో కనిపిస్తుంది.అంతేగాక ఈ సినిమా సెకెండాఫ్ లో వచ్చే పెద్ద ఛేజింగ్ సీన్ సినిమాను ఎక్కడికో తీసకెళ్తుందని దర్శక,నిర్మాతలు నమ్ముతున్నారు.

More from Filmibeat