రజనీకాంత్ కి సెటైర్ విసిరిన విశాల్

సూపర్ స్టార్ రజనీకాంత్ ..హిమాలయ యాత్రకు సెటైర్ విసిరి అందరి నోళ్ళలో నానుతున్నాడు విశాల్. ఈ మధ్య వరస ఫ్లాఫుల్లో ఉండి వెనకపడ్డ విశాల్ తన కన్నా పెద్ద వారిపై రాళ్ళు విసిరితే ముందుకొచ్చి పేరు వినపడుతుందనుకున్నాడో ఏమో గానీ రజనీకాంత్ పై కామెంట్ చేసాడు. ఈ మద్య హిమాలయాలకు వెళ్ళిన విశాల్ ని మీడియా వారు మీరు ఆధ్యాత్మిక కోసం హిమాలయాలు వెళ్లారా అంటే...అది ఓ ఎడ్వెంచర్ ట్రిప్..నేను మెడిటేషన్ చేసుకోవాలనుకుంటే హిమాలయాలకు వెళ్ళను..నా ఇంట్లోనే చేసుకుంటాను అని చెప్పాడు. ఇక తన తాజా చిత్రం తీర్ధ విలయట్టు పిళ్ళై ..సంక్రాంతి రిలీజ్ సందర్భంగా ఏర్పాటు చేసిన మీడియా సమావేశంలో ఈ టాపిక్ వచ్చింది. చెన్నై లోని గ్రీన్ పార్క్ లో ఈ మీడియా మీట్ జరిగింది. ఇక ఈ చిత్రంలో తన పాత్ర ప్రక్కింటి కుర్రాడులా నిజజీవితానికి దగ్గరగా ఉంటుందంటూ ఎప్పటి పాటే పాడి ముగించాడు.