పూజ: విశాల్‌-శృతి హాసన్ హాట్ అండ్ సెక్సీ లుక్ (ఫోటోలు)

By Bojja Kumar

Updated: Saturday, August 30, 2014, 15:14 [IST]

హైదరాబాద్: హీరోయిన్ శృతి హాసన్ ఈ మధ్య ఏ సినిమాలో చూసినా హాట్ అండ్ సెక్సీ లుక్‌తో ప్రేక్షకులను ఆకర్షించే ప్రయత్నం చేస్తోంది. ఇటీవల విడుదలైన రేసు గుర్రం చిత్రం లోనూ, అంతకు ముందు విడుదలైన ఎవడు చిత్రంలో, ఆ మధ్య విడుదలైన ఓ హిందీ చిత్రంలో శృతి అందచందాలు వావ్ అనిపించే విధంగా ఉన్నాయి.

తాజాగా శృతి హాసన్ నటిస్తున్న తమిళ చిత్రం తెలుగులో 'పూజ' పేరుతో విడుదలవుతోంది. తాజాగా ఆ చిత్రానికి సంబంధించిన ఫోటోలు విడుదలయ్యాయి. తాజాగా తన సెక్సీ అందాల మ్యాజిక్ చూపెట్టింది శృతి. ఈచిత్రంలో ఆమె విశాల్‌కి జోడీగా నటిస్తోంది. ఈ చిత్రానికి 'సింగం' ఫేం హరి దర్శకత్వం వహిస్తున్నారు.

తన సొంత బేనర్ విశాల్ ఫిల్మ్ ఫ్యాక్టరీపై హీరో విశాల్ స్వయంగా ఈ చిత్రాన్ని నిర్మిస్తున్నాడు. యవన్ శంకర్ రాజా సంగీతం అందిస్తున్నారు. విశాల్, శృతి హాసన్, సత్యరాజ్, రాధిక శరత్ కుమార్, ముఖేష్ తివారి, సూరి, తలైవాసై విజయ్, అభినయ, సితార తదితరులు ఈచిత్రంలో ముఖ్య పాత్రలు పోషిస్తున్నారు. ఇటీవల చిత్రం కోసం విశాల్-శృతి హాసన్‌లపై జరిపిన ఫోటో షూట్ ఆకట్టుకుంటోంది.

హిట్టు లేని విశాల్

గత కొంత కాలంగా హీరో విశాల్ సరైన హిట్ లేక సతమతం అవుతున్నాడు. దీంతో అతనితో సినిమాలు తీయడానికి ఎవరూ ముందుకు రావడం లేదు. ఈ సినిమాపై చాలా ఆశలు పెట్టుకున్నాడు.

బీహార్ మంత్రి

ఇందులో బీహార్‌ సాంస్కృతిక శాఖ మంత్రి వినయ్‌ బీహారి తళుక్కుమని మెరవబోతుండటం తాజా కబురు. ఈ సినిమా క్లెమాక్సులో వినయ్‌ బీహారి ఒక జిల్లా కలెక్టర్‌ పాత్రలో కనిపించబోతున్నారట. అయితే ఇది ముందుగా అనుకుని చేసింది కాదని, ఆయన నటించడం యాధృచ్ఛికంగా జరిగిందేనని ఆ చిత్ర యూనిట్‌ చెబుతోంది.