తండ్రికి సేవ చేస్తూ కరోనా.. విశాల్‌పై జీకే రెడ్డి ఎమోషనల్ ట్వీట్

కరోనా కలకలం..

విశాల్, ఆయన తండ్రి జీకే రెడ్డి, వారి మేనేజర్‌కు కరోనా వచ్చింది. అయితే ఈ విషయాన్ని చాలా ఆలస్యంగా బయట పెట్టారు. కరోనా నుంచి పూర్తిగా కోలుకున్న తరువాత సోషల్ మీడియాలో విశాల్ స్వయంగా ప్రకటించాడు. తామంతా కరోనా నుంచి పూర్తిగా కోలుకున్నామని తెలిపాడు.

తండ్రి ద్వారా..

విశాల్‌కు కరోనా అంటూ వార్తలు చక్కర్లు కొడుతున్న సమయంలో వాటిపై స్వయంగా క్లారిటీ ఇచ్చాడు. ‘ఇది నిజమే.. కోవిడ్-19 పరీక్షల్లో నాకు మా నాన్నకు పాజిటివ్‌ వచ్చింది. మా నాన్నకు సహాయకుడిగా ఉన్నందుకు నాకు కోవిడ్-19 సోకింది.. తీవ్ర జ్వరం, జలుబు, దగ్గుతో కొన్నిరోజులు ఇబ్బందిప‌డ్డా'నని చెప్పాడు.

ఆయుర్వేద పద్దతి..

విశాల్ తమతో ఉన్న మేనేజర్ కూడా ఈ వ్యాధి బారిన ప‌డ్డాట్లు చెప్పాడు. ఆయుర్వేద మెడిసిన‌ వాడటం వల్ల కేవలం వారం రోజుల్లో డేంజ‌ర్ నుంచి బయటపడినట్లు పేర్కొన్నాడు. మొత్తానికి ప్రమాదం నుంచి బయటపడి, ఆరోగ్యంగా ఉన్నామని, తెలిపాడు.

Recommended Video

Nayanthara & Prabhudeva Pair Up For A Movie ?

తండ్రీ కొడుకుల బంధం...

జీకే రెడ్డికి మొదటగా కరోనా సోకిన సంగతి తెలిసిందే. ఆయనకు సేవలు చేసే క్రమంలోనే విశాల్‌కు కూడా అంటింది. ఈ మేరకు జీకే రెడ్డి సోషల్ మీడియా వేదికగా ఎమోషనల్ అయ్యాడు. ‘మానవత్వంతో ఇలాంటి ఎన్నో విపత్కర పరిస్థితులను ఎదుర్కొవచ్చని మరోసారి నిరూపితమైంది. ఎలాంటి గడ్డు పరిస్థితులైనా, ఎలాంటి వైరస్ అయినా.. మానవత్వం, ఫిట్నెస్‌ ఉంటే చాలు ఎదుర్కొవచ్చు. అందులో భాగంగా తండ్రీ కొడుకుల బంధం ముఖ్యమైంది. నా కొడుకు విశాల్.. మా కోసం నిలబడ్డాడు. కరోనాపై పోరాడేందుకు ముందడుగు వేశాడు'అని చెప్పుకొచ్చాడు. ఇక తండ్రికి సేవ చేయడంపై విశాల్‌ను రియల్ హీరో అంటూ నెటిజన్లు కామెంట్లతో పొగిడేస్తున్నారు.