Click it and Unblock the Notifications
కమల్ హాసన్ ‘విశ్వరూపం’ ఫస్ట్లుక్!
యూనివర్సల్ హీరో కమల్ హాసన్ తాజా చిత్రం 'విశ్వరూపం' తుది మెరుగులు దిద్దుకుంటోంది. ఈచిత్రానికి సంబంధించిన ఫస్ట్ లుక్ విడుదలైంది. జూలై నెలలో ఈచిత్రం ప్రేక్షకుల ముందుకు వచ్చే అవకాశం ఉంది. ప్రస్తుతం ఈ చిత్రానికి సంబంధించిన పోస్టు ప్రొడక్షన్ వర్క్ జరుగుతున్నట్లు సమాచారం.
ఈ చిత్రంలో కమల్ హాసన్ ఆర్మీ జనరల్గా నటిస్తున్నారు. టెర్రరిజం దాని పరిణామాల నేపథ్యంలో ఈ సినిమా రూపొందినట్లు తెలుస్తోంది. ఇందులో టెర్రరిస్ట్గా రాహుల్ బోస్ నటించారు. ప్రపంచవ్యాప్తంగా ఎన్నో దేశాలను గజగజలాడిస్తున్న ఉగ్రవాదాన్ని అంతమొందించే కథతో రూపొందిన ఈ చిత్రం తమిళ,హిందీతో పాటు పలు భాషల్లోకి అనువాదం కానుంది.
దశావతారం'లో పది పాత్రలు పోషించి మెప్పించిన కమల్ మళ్ళీ ఆ స్థాయి చిత్రంలో నటించలేదు. 'దశావతారం' తరువాత నుంచి ఆయన మదిలో మెదిలిన ఆలోచనలకు ప్రతిరూపమే ఇప్పుడు రూపొందుతున్న 'విశ్వరూపం'. కమల్ హాసన్ నటించి, నిర్మించి, దర్శకత్వం వహించిన ఈ చిత్రం విడుదలకు ముస్తాబు అవుతోంది.
ఈ చిత్రంలో పూజా కుమార్ నాయికగా నటించగా ఆండ్రియా, జరీనా వహాబ్, శరత్ చక్రవర్తి, శేఖర్ కపూర్ ముఖ్యపాత్రల్లో కనిపించనున్నారు. కమల్ హాసన్ నిర్మిస్తున్న ఈ చిత్రానికి పి.వి.పి. సినిమాస్ నిర్మాణ భాగస్వామి. శంకర్-ఎహసాన్-లాయ్ సంగీతాన్ని సమకూర్చారు. 'దిల్ చాహ్తా హై' వంటి సూపర్ మ్యూజికల్ హిట్ను అందించిన ఈ సంగీత దర్శకత్రయం 'విశ్వరూపం'ను కూడా సంగీత సంచలనంగా మార్చాలని ప్రయత్నిస్తున్నారు.
ఎన్నో అంచనాలతో వస్తున్న 'విశ్వరూపం' చిత్రం దేశ సినీ చరిత్రంలో ఓ సంచలన చిత్రంగా నిలుస్తుందని అంటున్నారు. మరి కమల్ హాసన్ ఆ అంచనాలను ఎంత వరకు రీచ్ అవుతారో..?
Continue with Google