Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
Vivek died due to Cardiac Arrest: కొడుకు మృతి విషాదం నుంచి తేరుకొని.. అంతలోనే ఈ లోకాన్ని వీడిన వివేక్..
అద్భుతమైన కామెడీ టైమింగ్తో ప్రేక్షకులకు హాస్యాన్ని పంచిన ప్రముఖ నటుడు వివేక్ జీవితంలో ఎన్నో ఎగుడు దిగుడులు ఉన్నాయి. జీవితంలో కింద పడిన ప్రతీసారి అదే వేగంతో నిలబడ్డారని తన సన్నిహితులు, స్నేహితులు చెప్పుకొంటారు. ఎలాంటి విషాదాన్నైనా దిగమింగుకొని హాస్యాన్ని పంచడం ఆయనలోని గొప్ప గుణం అంటూ చెప్పుకొంటారు. ఆయన వ్యక్తిగత జీవితం గురించి మరిన్ని వివరాలు..
బాలచందర్ అగ్ని పరీక్షను అధిగమించి
నటనపై ఆసక్తి చెన్నై చేరిన వివేక్ మధురై యూనివర్సిటీలో బీకాంలో పట్టభద్రులయ్యారు. ఆ తర్వాత వివేక్లోని ప్రతిభను పసిగట్టిన మద్రాస్ హ్యూమర్ క్లబ్ వ్యవస్థాపకుడు పీఆర్ గోవింద రాజన్ ప్రముఖ దర్శకుడు కే బాలచందర్కు పరిచయం చేశాడు. ఆ సమయంలో వివేక్కు బాలచందర్ ఓ అగ్ని పరీక్షను పెట్టారు. 16 క్యారెక్టర్లు ఉన్న స్ట్రిప్టు రాయమని చెప్పి సిట్యుయేషన్ చెప్పగా.. ఒక్కరాత్రిలోనే దానిని పూర్తి చేశారు. దాంతో బాలచందర్కు వివేక్ అత్యంత ఆప్తుడిగా మారారు.
సుహాసినికి సోదరుడిగా ఎంట్రీ
బాలచందర్కు అసిస్టెంట్ డైరెక్టర్గా పనిచేస్తున్న సమయంలోనే 1987లో మనథిల్ ఉరుతి వేండమ్ అనే చిత్రంలో నటించే అవకాశం కల్పించారు. ఆ చిత్రంలో సుహాసినికి సోదరుడిగా నటించారు. ఆ తర్వాత బాలచందర్ దర్శకత్వం వహించిన పుదు పుదు ఆర్తంగళ్, ఓరు వీడు ఇరు వాలస్ చిత్రాల్లో నటించారు. రజనీకాంత్తో ఉజైపల్లి, వీర చిత్రాల్లో నటించి మెప్పించారు.
వివేక్ అసలు పేరు ఏమిటంటే..
కోట్లాది మందికి తనదైన హాస్యంతో చేరువైన కమెడియన్ వివేక్ అసలు పేరు వివేక్నందన్. తమిళనాడులోని తూతుకుడి జిల్లాలోని కోవిల్పట్టి జిల్లాలో 1961 నవంబర్ 19వ తేదీన జన్మించారు. ఆయనకు భార్య అరుల్ సెల్వి, ఇద్దరు కూతుళ్లు అమృత నందిని, తేజస్విని ఉన్నారు. ఆయన కుమారుడు ప్రసన్న కుమార్ ఇటీవలే మరణించారు.
బ్రెయిన్ ఫీవర్తో కుమారుడు మృతి
వివేక్ కుమారుడు ప్రసన్న కుమార్ కొద్ది సంవత్సరాల క్రితం తీవ్ర అస్వస్థతకు గురయ్యారు. వైద్య పరీక్షలు నిర్వహించగా బ్రెయిన్ ఫీవర్ అని నిర్ధారించారు. హాస్పిటల్లో చికిత్స పొందుతూనే వివేక్ కుమారుడు మరణించాడు. దాంతో వివేక్ కుటుంబం తీవ్ర విషాదంలో మునిగిపోయింది. ఆ విషాదం నుంచి కోలుకోంటున్న సమయంలో వివేక్ గుండెపోటుతో ఈ లోకాన్ని వీడటం మరింత విషాదంగా మారింది.
Recommended Video