మంచి కథ ఉన్నా...థియేటర్ రిలీజ్ కోసం దిక్కులు చూడాల్సిందే..ఓటీటీలపై జ్యోతిక వ్యాఖ్య

పిల్లలపై జరుగుతున్న దౌర్జన్యకాండ

కొన్నేళ్లుగా చిన్నారులు, మహిళపై జరుగుతున్న అరాచకాలను చూస్తూంటే గుండె రగిలిపోతుందని వెల్లడించిన జ్యోతిక, పోన్మగల్ వందల్ కథ వినగానే తన గొంతు వినిపించేందుకు ఇదే సరైన సమయమని భావించినట్లు తెలిపింది. ఓ మంచి సందేశాత్మక కథకు, థ్రిల్లర్ ను జోడించి పొన్మగల్ వందల్ రూపొదించినట్లు తెలిపింది.

కథానాయిక ప్రాధాన్యం గల చిత్రాలకు థియేటర్లు కరువు

ప్రస్తుతం ఓటీటీ ప్లాట్ ఫార్మ్ లకు పెరుగుతున్న ప్రాధాన్యతను దృష్టిలో పెట్టుకుని, ఇవి కథానాయిక ప్రాధాన్యంకలిగిన చిత్రాలకు ఎంతో ఉపకరిస్తున్నాయని జ్యోతిక పేర్కొంది. ఎంత మంచి కథతో ముందుకు వచ్చినా, మేల్ సెంట్రిక్ సినిమాల మధ్య ఫిమేల్ సెంట్రిక్ చిత్రాలు థియేటర్లలో విడుదల్వడానికి ఎన్నో సమస్యలు ఎదురవుతాయని చెప్పింది. ఓటీటీల ఆ ఇబ్బందులు తొలగనున్నాయని స్పష్టం చేసింది.

వాదనకు ఇది సమయం కాదు

లాక్ డౌన్ నేపథ్యంలో థియేటర్లకు తగ్గుతున్న ఆదరణపై స్పందించిన జ్యోతిక, ఈ అంశంపై వాదోపవాదాలకు ఇది సమయం కాదని స్పష్టం చేసింది. ఒకరి క్షేమం కోసం మరొకరు ఆలోచించాల్సిన సమయం ఇదేనని చెప్పిన జ్యోతిక, కాస్త సంయమనం పాటించాల్సిందిగా కోరింది.

మరో రెండు నెలల వరకూ నో షూటింగ్

రోజురోజుకూ కరోనా పాజిటివ్ కేసులు పెరుగుతున్న నేపథ్యంలో, మరో రెండు నెలలపాటూ ఎలాంటి షూటింగ్ లూ ఉండబోవని జ్యోతిక వెల్లడించింది. జులై నెలాఖరుకి సినీ పెద్దలు ఓ నిర్ణయం తీసుకునే అవకాశాలు ఉన్నాయని తెలిపింది.

Recommended Video

Amazon Prime : Seven Movies To Release Directly On Amazon Prime Video

భవిష్యత్తులోనూ ఫిమేల్ సెంట్రిక్ సినిమాలే చేస్తా..

అవకాశం వస్తే సూర్యతో మరోసారి స్క్రీన్ షేర్ చేసుకుంటానని తెలిపిన జ్యోతిక, లవ్ స్టోరీలు మాత్రం చేయనని స్పష్టం చేసింది. ప్రస్తుతం ఫిమేల్ సెంట్రిక్ సినిమాలు తక్కువగా ఉన్నాయి కాబట్టి, వాటిపైనే ఎక్కువ దృష్టి సారించనున్నట్లు తెలపింది.