పెళ్లి చూపులు రీమేక్ ఆగిపోవడానికి కారణం ఇదే.. గౌతమ్ మీనన్!

యంగ్ హీరో విజయ్ దేవరకొండ పేరు టాలీవుడ్ మొత్తం బాగా వినిపించేలా చేసిన చిత్రం పెళ్లి చూపులు. విజయ్ దేవరకొండ, రీతూ వర్మ ఈ చిత్రంలో జంటగా నటించారు. దర్శకుడు తరుణ భాస్కర్ తెరకెక్కించిన తొలి చిత్రం ఇదే. చిన్న చిత్రంగా విడుదలై పెద్ద విజయం సాధించింది.

ప్రముఖ దర్శక నిర్మాత గౌతమ్ మీనన్ ఈ చిత్రాన్ని తమిళంలో రీమేక్ చేయాలని భావించారు. ఈ మేరకు హీరో, హీరోయిన్లుగా విష్ణు విశాల్, తమన్నాలని ఎంపిక చేసుకున్నాడు. కానీ సినిమా మాత్రం పట్టాలెక్కలేదు. పెళ్లిచూపులు రీమేక్ అంశాల్ని ప్రస్తుతానికి పక్కన పెట్టేశారు.

గౌతమ్ మీనన్ ఈ విషయంపై తాజాగా ఇంటర్వ్యూలో స్పందించారు. పెళ్లి చూపులు చిత్రాన్ని రీమేక్ చేయాలని చిత్ర తరగణాన్ని, సాంకేతిక నిపుణలని ఎంపిక చేసుకున్నాం. అప్పటికే చిత్ర బడ్జెట్ ఆకాశాన్ని తాకేలా కనిపించింది. అంత భారీ బడ్జెట్ లో ఈ చిత్రం నిర్మించడం తగదని ప్రస్తుతానికి ఆ ఆలోచన విరమించుకున్నట్లు గౌతమ్ మీనన్ తెలిపారు. సరైన నటీనటుల్ని ఎంపిక చేసి తప్పకుండా రీమేక్ చేస్తానని అన్నారు.