తమిళ అరుంధతి అదురుతుందా?

By Staff

Published: Friday, March 20, 2009, 16:24 [IST]

తెలుగులో సూపర్ హిట్ అయిన "అరుంధతి" సినిమా నేడు తమిళంలో విడుదల అవుతోంది. మూడేళ్ళ కఠోర శ్రమతో శ్యామ్ ప్రసాద్ రెడ్డి నిర్మించిన ఈ చిత్రం తమిళ వెర్షన్ మీద ఆయనకు చాలా నమ్మకాలు ఉన్నాయి. మొండితనంతో తాను అనుకున్నది సాధించిన శ్యామ్ ప్రసాద్ రెడ్డి తమిళంలో తన అదృష్టాన్ని పరీక్షించుకోనున్నారు.

ఒక భాషలో హిట్ అయిన సినిమా మరో భాషలో బాగా ఆడాలన్న రూల్ ఏమీలేదు. ఈ సినిమాలో విలన్ గా తమిళ నటుడు పశుపతిని శ్యామ్ ప్రసాద్ రెడ్డి మొదట ఎంచుకున్నారు. ఆయన మీద కొన్ని షాట్స్ కూడా తీశారు. కానీ తాను ఆశించిన ఎఫెక్ట్ రాకపోవడంతో బాలీవుడ్ నటుడు సోనూ సూద్ ను ఎంపిక చేసుకున్నారు. అరుంధతి సినిమాలో హీరోయిన్ అనుష్క, విలన్ సోను సూద్ ల మధ్యే నడిచింది. తమిళుడైన పశుపతి విలన్ గా నటించి ఉంటే తమిళ అరుంధతి సూపర్ హిట్ అయి ఉండేదేమో. అయినా తమిళ ఫలితం కోసం ఒక వారం ఎదురు చూడాల్సిందే.

More from Filmibeat