కమెడియన్ యోగిబాబు ‘పెళ్లి’ క్యాన్సిల్.. ఆ రోజున ఏం చేశారో తెలిస్తే షాకే!

కరోనావైరస్ కారణంగా సినీ పరిశ్రమ స్తంభించడంతో రోజువారీ వేతన కార్మికులు జీవితాలు కష్టాల్లో పడ్డాయి. దాంతో సినీ నటులు ముందుకొచ్చి తమ వంతు సామాజిక బాధ్యతగా చేయూతనిస్తున్నారు. తమిళ పరిశ్రమలో స్టార్ కమెడియన్‌గా పేరొందిన యోగిబాబు చూపించిన కరుణ ప్రస్తుతం మీడియాలో చర్చనీయాంశమైంది.

కొవిడ్ 19 కారణంగా ఆకలితో అలమిటిస్తున్న సినీ కార్మికులకు యోగిబాబు అండగా నిలిచారు. సినీ పరిశ్రమ యూనియన్‌తోపాటు సహకారం అందిస్తున్న ఈ నటుడు.. వ్యక్తిగతంగా కూడా సహాయ చర్యల్లో భాగమయ్యారు. తన వంతు బాధ్యతగా యోగిబాబు 1250 బస్తాల బియ్యాన్ని పేద సినీ కార్మికులకు అందించారు.

స్వయంగా తన తోటి కళాకారులను ఆహ్వానించి యోగిబాబు తన వంతు సహాయాన్ని అందించారు. ఈ కార్యక్రమంలో యాక్టర్ గణశేఖర్ కూడా భాగమయ్యారు. సినీ కార్మికుల్లో వయోవృద్ధులకు సాయం చేయడంపై యోగిబాబుపై ప్రశంసలు కురుస్తున్నాయి.

వాస్తవానికి ఏప్రిల్ 9వ తేదీన యోగిబాబు పెళ్లి రిసెప్ఫన్‌కు ఏర్పాట్లు చేశారు. తమిళనాడు సీఎంతోపాటు సినీ, రాజకీయ పరిశ్రమలోని పలువురు ప్రముఖులకు ఆహ్వానాలు అందజేశారు. అయితే కరోనా కారణంగా తన పెళ్లి వాయిదా పడటంతో అదే రోజున కరోనా కారణంగా బాధపడుతున్న పేద సినీ కార్మికులకు అండగా నిలువడం అందరి ప్రశంసలకు కారణమైంది.