దర్శకుడి గా మారనున్న సంగీత దర్శకుడు

By Staff

Published: Friday, March 13, 2026, 7:52 [IST]

మణిశర్మ,రమణగోగుల వంటి సంగీత దర్శకులు నిర్మాతలుగా అవతారమెత్తుతున్న సంగతి తెలిసిందే. అయితే యువ సంగీత దర్శకుడు యవన్ శంకర్ రాజా మాత్రం దర్శకుడుగా మారటానికి నిర్ణయించుకున్నారుట. సెవన్ బై జి బృందావన కాలనీ,హ్యాపీ,రాజు భాయ్,ఆడవారిమాటలకు అర్ధాలే వేరులే వంటి తెలుగు చిత్రాలకు సూపర్ హిట్ సంగీతం అందించిన ఈయన మాస్ట్రో ఇళయరాజా కుమారుడు. ప్రస్తుతం సరోజ అనే తమిళ,తెలుగు చిత్రానికి సంగీతం అందించిన ఆయన డైరక్టర్ కాబోతున్న నిర్ణయాన్ని మీడియా ముందు వెళ్ళడించారు.

అయితే నిర్మాత,హీరో,మిగతా సాంకేతిక వర్గం ఎవరనే విషయాలు వెళ్ళడించలేదు. ఇక మన తెలుగులోనూ ఈ మధ్య అందమైన మనసులో అనే చిత్రం ద్వారా సంగీత దర్శకుడు ఆర్.పి.పట్నాయక్ దర్శకుడు అవతారం ఎత్తారు. ఆ సినిమా పెద్ద డిజాస్టర్ గా మిగిలింది. దాంతో పట్నాయక్ రెగ్యులర్ గా ఉన్న సంగీత దర్శకుడు కెరీర్ కూడా ఊహించని విధంగా ఆగిపోయింది. ఈ విషయాలు గమనించుకోమని,ఆలోచించే రంగంలోకి దిగమని యవన్ కి శ్రేయాభిలాషులు సలహాలు ఇస్తున్నారుట. అయితే ఆయన వినిపించుకునే స్ధితిలో లేరని సమాచారం. ఏమో ఆయన పెద్ద హిట్టవ్వచ్చేమో చూద్దాం.

More from Filmibeat