మోనాల్ నిజస్వరూపం బయటపెట్టిన బిగ్ బాస్ ..ఆ వీడియోలో అసలు మేటర్ లీక్ చేశాడు

అభిజీత్‌తో సన్నిహితంగా ఉంటూ

మోనాల్ గజ్జర్ సీజన్ ఆరంభంలో అభిజీత్‌తోనే ఎక్కువగా క్లోజ్ అయింది. తరచూ ఇద్దరూ కలిసి మాట్లాడుకుంటూ కనిపించే వారు. అంతేకాదు, రొమాంటిక్ చూపులు, హగ్గులతో రచ్చ రచ్చ చేసేవారు. దీంతో షో నిర్వహకులు కూడా వీళ్లనే బాగా ఫోకస్ చేశారు. అప్పటి నుంచి ఈ ఇద్దరి మధ్య లవ్ ట్రాక్ నడుస్తుందని ప్రచారం మొదలైంది. తద్వారా మోనాల్ హాట్ టాపిక్ అయింది.

అఖిల్ ఎంట్రీతో అతడి వైపు వెళ్లింది

అభిజీత్‌తో మోనాల్ గజ్జర్ మరింత క్లోజ్ అవుతోన్న సమయంలో అఖిల్ సార్థక్‌ ఎంట్రీ ఇచ్చాడు. ఈ క్రమంలోనే ఆమెతో ఎక్కువగా సమయం గడపడానికి ప్రయత్నించాడు. అంతేకాదు, ఆమెను ఎంతో కేరింగ్‌గా చూసుకోవడం మొదలు పెట్టాడు. దీంతో అభిజీత్ నుంచి అతడి వైపు వెళ్లిపోయిందామె. అప్పటి నుంచి వీళ్లిద్దరూ మరింత సన్నిహితంగా ఉండడం ప్రారంభించారు.

దూరం పెట్టిన అభిజీత్.. గొడవలు

అఖిల్ సార్థక్‌తో మోనాల్ గజ్జర్ రోజురోజుకూ దగ్గరవుతూ వచ్చింది. అదే సమయంలో హగ్గులు, ముద్దులతో రెచ్చిపోయింది. దీంతో అభిజీత్ ఆమెను పూర్తిగా దూరం పెట్టేశాడు. అంతేకాదు, ఆమె మాట్లాడడం, చూసి నవ్వడం వంటివి కూడా చేయలేదు. దీంతో వీళ్లిద్దరి మధ్య కోల్డ్ వార్ మొదలైంది. అఖిల్ ఆమె తరపున నిలుస్తూ పలుమార్లు అభితో గొడవలు కూడా పెట్టుకున్నాడు.

టాస్క్ చేయనని.. నామినేట్ చేసి

నాలుగో సీజన్‌లో దెయ్యం ఎంట్రీ ఇచ్చిన విషయం తెలిసిందే. ఆ సమయంలో జలజ.. మోనాల్‌తో డేట్ చేయమని చెప్పగా.. ఈ టాస్క్ చేయడానికి అభిజీత్ నిరాకరించాడు. అప్పుడు వరస్ట్ పెర్ఫార్మర్ అని బిగ్ బాస్ అతడికి బిరుదిచ్చాడు. ఆ వీకెండ్ ఎపిసోడ్‌లో నాగార్జున వల్ల చీవాట్లు కూడా తిన్నాడు. దీంతో తర్వాతి వారం మోనాల్‌ను నామినేట్ చేశాడు అభిజీత్.

జెంటిల్‌మెన్ అనిపించుకున్నాడు

దేత్తడి హారికతో జరిగిన ఓ సంభాషణలో మోనాల్‌తో తాను ఎందుకు దూరంగా ఉంటున్నాడో వివరించాడు అభిజీత్. ‘ఆమె నన్ను ఇష్టపడుతున్నా అని చెప్పింది. ఆ తర్వాత నన్ను దూరం పెట్టింది. దీన్ని ఎలా తీసుకోవాలి.? ఈ విషయం నేనెప్పుడో బయట పెట్టేవాడిని. కానీ, అటు ఉన్నది అమ్మాయి కావడం వల్లే సైలెంట్‌గా ఉన్నా' అని తాను పక్కా జెంటిల్‌మెన్ అని నిరూపించుకున్నాడు.

నిజస్వరూపం బయటపెట్టిన బిగ్ బాస్

తాజా ఎపిసోడ్‌లో అభిజీత్ జర్నీ వీడియో ప్రసారం చేశాడు బిగ్ బాస్. ఇందులో ఎక్కువగా మోనాల్‌నే హైలైట్ చేశాడు. అంతేకాదు, ఆమె అభికీ ‘ఐ లైక్ యూ' అని చెప్పడం.. అతడితో చనువుగా ఉండడం చూపించాడు. ఆ తర్వాత ఆమె దూరమవడంతో పాటు అఖిల్‌తో క్లోజ్ అయింది కూడా బయట పెట్టాడు. దీంతో అభిజీత్ ఆమెను ఎందుకు దూరం పెట్టాడో అందరికీ అర్థమయ్యేలా చేశాడు.