అభిజీత్ ఊహించని నిర్ణయం: అతడి తీరుకు ఆశ్చర్యపోతోన్న సినీ పెద్దలు.. దాని కోసమే ఇదంతా!

లవర్ బాయ్‌ను అందరూ లైట్ తీసుకున్నారు

యంగ్ హీరో అభిజీత్‌కు కొన్ని సినిమాల్లో నటించినా పెద్దగా గుర్తింపు దక్కలేదు. ఇలాంటి పరిస్థితుల్లో టాలీవుడ్‌కు దూరమైపోయాడు. ఈ నేపథ్యంలో ఈ మధ్య ప్రసారం అయిన నాలుగో సీజన్‌కు కంటెస్టెంట్‌గా వచ్చాడు. షో ఆరంభంలో అతడు అమ్మాయిలను ఫ్లట్ చేస్తూ.. లవర్ బాయ్‌లా ఉంటాడని అంతా అనుకున్నారు. దీంతో అతడిపై ప్రేక్షకులు, కంటెస్టెంట్లు పెద్దగా ఫోకస్ చేయలేదు.

ఒక్క సందర్భంలో హీరో.. వాళ్లు టార్గెట్ చేశారు

సీజన్ ఆరంభంలో జరిగిన రోబోట్ టాస్కులో అభిజీత్ తీసుకున్న నిర్ణయం హాట్ టాపిక్ అయింది. తన జట్టును గెలిపించడం కోసం ప్రత్యర్థుల్లో ఒకరైన దివి వాద్యాను కిడ్నాప్ చేశాడు. గేమ్ కోసం మైండ్‌ను వాడడం అందరినీ ఆశ్చర్యపరిచింది. అప్పుడే ఎదుటి టీమ్‌లోని చాలా మంది కంటెస్టెంట్లు అతడిని టార్గెట్ చేశారు. ఈ కారణం చెప్పే పలుమార్లు అభిజీత్‌తో గొడవలకు దిగారు.

ప్రేక్షకులకు చేరువ... గుద్ది పడేసి గెలిపించారు

బిగ్ బాస్ నాలుగో సీజన్‌లో ఎప్పుడూ కామ్‌గా ఉంటూ మిస్టర్ కూల్ అనే బిరుదును సొంతం చేసుకున్నాడు అభిజీత్. అదే సమయంలో అతడు ఏకంగా 11 సార్లు నామినేట్ అవడంతో ప్రేక్షకులకు బాగా చేరువయ్యాడు. దీంతో అతడికి ఓట్లు వేయడానికి అలవాటు పడ్డారు. ఇలానే అభిజీత్‌ను సీజన్ విన్నర్‌ను చేశారు. గత రెండు సీజన్లలోనూ 11 సార్లు నామినేట్ అయిన వాళ్లే గెలవడం విశేషం.

ఫుల్ బిజీ అయిన అభిజీత్... వరుస ఆఫర్లతో

బిగ్ బాస్ హౌస్‌ నుంచి విన్నర్‌గా బయటకు వచ్చిన తర్వాత అభిజీత్ ఫుల్ బిజీ అయ్యాడు. తన విజయానికి కారణమైన ప్రతి ఒక్కరికీ ధన్యవాదాలు తెలియజేస్తున్నాడు. అదే సమయంలో వరుస ఇంటర్వ్యూలతో బిజీ బిజీగా గడుపుతున్నాడు. ఈ క్రమంలోనే అతడికి ఆఫర్ల మీద ఆఫర్లు వస్తున్నాయని ప్రచారం జరుగుతోంది. వెంకీ కుడుములతో మూవీ ఫిక్స్ అయిందనే టాక్ వినిపిస్తోంది.

ఊహించని నిర్ణయం తీసుకున్న హీరో అభిజీత్

బిగ్ బాస్ నాలుగో సీజన్‌లో విన్నర్‌గా నిలిచిన అభిజీత్.. తన దృష్టి మొత్తం సినిమాల్లో రాణించడంపైనే ఉందని ఎన్నోసార్లు చెప్పాడు. ఈ నేపథ్యంలోనే అతడు ఫ్యూచర్ ప్రాజెక్టుల విషయంలో ఆచితూచి వ్యవహరిస్తున్నాడు. అందుకే ఇప్పటి వరకూ తన సినిమాను ప్రకటించలేదు. ఇలాంటి సమయంలో అభిజీత్ తన మూవీ విషయంలో ఊహించని నిర్ణయం తీసుకున్నాడని తెలిసింది.

అభిజీత్ తీరుకు ఆశ్చర్యపోతోన్న సినీ పెద్దలు

భారీ సినిమా ద్వారా టాలీవుడ్‌కు రీలాంఛ్ అవ్వాలని అభిజీత్ భావిస్తున్నట్లు తాజాగా ఓ న్యూస్ లీకైంది. అంతేకాదు.. అలాంటి మూవీ వచ్చే వరకూ రీఎంట్రీ ఇవ్వకూడదని అతడు నిర్ణయించుకున్నాడట. ఇందులో భాగంగానే అతడికి వస్తున్న చిన్న సినిమాలు, వెబ్ సిరీస్‌ల ఆఫర్లను రిజెక్ట్ చేస్తున్నాడని సమాచారం. అభిజీత్ తీరుకు సినీ పెద్దలే ఆశ్చర్యపోతున్నారని టాక్.