twitter
    For Quick Alerts
    ALLOW NOTIFICATIONS  
    For Daily Alerts

    ఓపెన్ డిబేట్‌కు ఉత్తమ కార్యక్రమ అవార్డు

    By Srikanya
    |

    ABN - Open Debate get Award
    హైదరాబాద్ : ఏబీఎన్-ఆంధ్రజ్యోతి చానల్‌లో ప్రసారం అవుతున్న ఓపెన్‌ డిబేట్ కార్యక్రమానికి అవార్డు లభించింది. సాంస్కృతిక సంస్థ ఆరాధన -శ్రీకరి 18వ టీవీ పురస్కారాల మహోత్సవాన్ని సోమవారం రవీంద్రభారతిలో నిర్వహించారు. కార్యక్రమానికి ముఖ్య అతిథిగా విచ్చేసిన రాష్ట్ర సాంఘిక సంక్షేమశాఖ మంత్రి పితాని సత్యనారాయణ ఏబీఎన్ చీఫ్ ప్రొడ్యూసర్ సుధారాణికి అవార్డు ఇచ్చి సత్కరించారు.

    ప్రసారమాధ్యమం శక్తిమంతమైనదని, ఇందులో పనిచేసే సాంకేతిక నిపుణులు, కళాకారులు, నిర్మాతలను ప్రోత్సహిస్తున్న ఆరాధన శ్రీకరి సంస్థ నిర్వాహకుడు కృష్ణయ్య అభినందనీయుడని ప్రశంసించారు. మృదులకు స్వర్ణకంకణ ప్రదానం, సీరియల్ దర్శకులకు, నటీ నటులకు అవార్డులు అందజేశారు. నటుడు సుమన్, దయాకర్, నరేందర్,రాజిరెడ్డి పాల్గొన్నారు.

    ఓపెన్ డిబేట్ కార్యక్రమంలో పలు విషయాలు,వివాదాలు చర్చకు వస్తున్నాయి. గతంలో తెలుగు సినిమాల విషయంలో వివాదాలు రేకెత్తినప్పుడు ఓపెన్ డిబేట్ నిర్వహించారు. సమస్యల సత్వర పరిష్కారం కోసం కృషి చేసేందుకు ఫిల్మ్ చాంబర్‌కు అనుబంధంగా ఓ శాశ్వత కమిటీని ఏర్పాటు చేసేందుకు సినీపెద్దలు అంగీకరించారు. అదే సమయంలో ఆంధ్రప్రదేశ్‌లో కుల, మత, ప్రాంత చైతన్యం ఎక్కువ కాబట్టి.. వాటిని దృష్టిలో ఉంచుకుని సినిమాలు రూపొందించాలనే విషయంలో ఓపెన్ డిబేట్ లో ఏకాభిప్రాయానికి వచ్చారు.

    English summary
    ABN - Open Debate is an Most Popular TV Show. The Show gets Aaradhana-Srikari tv award.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X