యాంకర్ సుమకు అలీ మరో షాక్.. గత వివాదం నుంచి గుణపాఠం..!

లవర్స్ డే ఆడియో ఫంక్షన్‌లో

లవర్స్ డే ఫంక్షన్‌లో కాట్రవల్లీ భాషలో మాట్లాడుతూ సుమను ఇబ్బందికి గురిచేశాడు. అదే ఫ్లోలో రాజీవ్‌ను ఉద్దేశించి అభ్యంతరకరమైన వ్యాఖ్యలు చేశాడు. అలీ మాటలతో సుమ ఓ దశలో నీ నోట్లో నేను నోరు పెట్టడమే తప్పయింది అనే మాటను వదిలింది. దాంతో అలీపై సోషల్ మీడియాలో విమర్శలు చెలరేగాయి.

40 ఏళ్ల కెరీర్‌ పూర్తిచేసుకొన్న అలీ

నటుడిగా 40 ఏళ్లు పూర్తి చేసుకొన్న అలీకి ఆదివారం విజయవాడ తుమ్మలపల్లి కళాక్షేత్రంలో ఏపీ సీఎం చంద్రబాబు చేతుల మీదుగా ఘన సన్మానం జరిగింది. ఇలాంటి సంతోషకరమైన పరిస్థితుల్లో సుమ హోస్ట్‌గా వ్యవహరించే క్యాష్ అనే కార్యక్రమంలో అలీ పాల్గొన్నాడు. ఈ కార్యక్రమంలో సెటైర్లు వేస్తూనే నాలుకను కంట్రోల్ పెట్టాడు.

సుమ నా చెల్లి అని అలీ..

క్యాష్ ప్రొగ్రాంలో గత చేదు అనుభవాలను దృష్టిలో పెట్టుకొని వేదికపైకి వస్తూనే సుమకు వినమ్రంగా నమస్కారం పెట్టాడు. అతిగా మాట్లాడకుండా పొదుపుగా మాట్లాడుతానని ముందుగానే చెప్పాడు. ఈ సందర్భంగా సుమ నా చెల్లి అంటూ సంబోధించాడు. దాంతో సుమ షాకితిన్నట్టు చూస్తూనే ఓ రకంగా నవ్వుతూ అలీ మారిపోయాడనే రీతిలో లుక్కించింది.

వివాదాలు పోవద్దని

సుమ చూసిన చూపుకు అలీ స్పందిస్తూ.. మనసులో ఎలాంటి ఉద్దేశం లేకుండా ఏం మాట్లాడినా వివాదం అవుతున్నది. అందుకే చెల్లి అని క్లారిటీ ఇచ్చాను అని చెప్పాడు. దాంతో సుమ, అలీ మధ్య నవ్వులు చోటుచేసుకొన్నాయి. దాంతో ఆ కార్యక్రమం ఎలాంటి సమస్యలు లేకుండా సవ్యంగా సాగిపోయింది.

మాటలు అలా జారిపోతుంటాయని

ఇటీవల మీడియాకు ఇచ్చిన ఇంటర్వ్యూలో వేదికపై చోటుచేసుకొన్న వివాదాలపై సానుకూలంగా స్పందించాడు. వేదిక మీద ఉన్నప్పుడు జాగ్రత్తగానే మాట్లాడాలని అనుకొంటాను. కానీ జనం జోష్ చూసి అప్పుడప్పుడు మాటలు జారి పోతుంటాయి. ఒక్కసారి మాట జారిన తర్వాత అవి ఎలాంటి పరిస్థితిని తీసుకోస్తాయో చాలా సందర్బాలు గుణపాఠం నేర్పాయి అని అలీ అన్నారు.