బిగ్‌బాస్‌2లో లేను.. అన్నీ గాసిప్సే.. స్నేహ.. రాయ్ లక్ష్మీ, రంభ ఖండన!

తమిళ భాషలో వివాదాలు

తెలుగులో ఎలాంటి వివాదాస్పద అంశాలు లేకుండా నిరాడంబరంగా కొనసాగుతున్నది. కానీ తమిళంలో ఆరంభానికి ముందే అనేక వివాదాలు చుట్టుముడుతున్నాయి. కంటెస్టంట్ల పేర్లపై ఊహాగానాలు కొనసాగుతుండటం వల్ల స్వయంగా సెలబ్రిటీలే రంగంలోకి దిగి వివరణ ఇస్తున్నారు.

బిగ్‌బాస్‌లో నటి స్నేహ

తమిళ బిగ్‌బాస్ రెండో సీజన్‌లో హీరోయిన్ స్నేహ పేరు ప్రముఖంగా వినిపించింది. స్నేహ బిగ్‌బాస్‌లో పాల్గొంటున్నారని వస్తున్న వార్తలను ఆమె ఖండించారు. నేను బిగ్‌బాస్ రెండో సీజన్‌లో పాల్గొనడం లేదు. నా గురించి వస్తున్న వార్తలన్నీ రూమర్లే. ప్రస్తుతం నేను సంతృప్తికరమైన జీవితాన్ని అనుభవిస్తున్నాను. నా గురించి ఏదైనా రాసే ముందు మీడియా నాతో సంప్రదించి ఉంటే బాగుండు అని స్నేహ ట్వీట్ చేశారు.

రాయ్ లక్ష్మీ తెరపైకి

ఇదిలా ఉంటే, రెండో సీజన్‌లో రాయ్ లక్ష్మీ కూడా పాల్గొంటున్నారనే వార్తలు తమిళ మీడియాలో వైరల్‌గా మారాయి. దాంతో స్వయంగా రాయ్ లక్ష్మీ సోషల్ మీడియాలో స్వయంగా ప్రకటన చేయాల్సి వచ్చింది. దాంతో రాయ్ లక్ష్మీ వార్తలకు బ్రేక్ పడ్డాయి.

రంభ గురించి గాసిప్స్

స్నేహ, రాయ్‌లక్ష్మీలతో బిగ్‌బాస్ రూమర్లు ఆగిపోలేదు. గ్లామర్ క్వీన్ రంభ కూడా తమిళ బిగ్‌బాస్‌లో పాల్గొనబోతున్నారంటూ మీడియాలో కథనాలు వెలువడ్డాయి. అయితే రంభ మూడో బిడ్డకు జన్మనివ్వబోతున్నారనే వార్తలు బయటకు రావడంతో గాసిప్స్‌కు తెరపడ్డాయి.