యాంకర్ సుమకు హ్యాండిచ్చిన తెలుగు హీరో: ఈవెంట్‌కు పిలిచి పరువు తీయడంతో గొడవ

సూపర్ సక్సెస్‌ఫుల్‌గా క్యాష్ షో

సుదీర్ఘ కాలంగా ప్రసారం అవుతోన్న క్యాష్ షో గురించి ప్రత్యేకంగా చెప్పనక్కర్లేదు. దీనికి కారణం జబర్ధస్త్, ఎక్స్‌స్ట్రా జబర్ధస్త్ తర్వాత అంతటి ప్రేక్షకాదరణను అందుకుంటోన్న షో ఇది. పేరుకు గేమ్ షోనే అయినా కామెడీ ప్రధానంగా నడుస్తూ ఉంటుంది. ఫలితంగా ఇది సక్సెస్‌ఫుల్‌గా రన్ అవుతోంది. ఇక, ఈ కార్యక్రమాన్ని లెజెండరీ యాంకర్ సుమ హోస్ట్ చేస్తున్న సంగతి తెలిసిందే.

Recommended Video

Anchor Suma జీవితం లోని ఆసక్తికర విషయాలు | HBD Anchor Suma || Filmibeat Telugu

ఆమె వల్లే దీనికి మరింత క్రేజ్

సుదీర్ఘమైన కెరీర్‌లో యాంకర్ సుమ ఎన్నో వినోదాత్మక కార్యక్రమాలు చేసింది. వీటిలో చాలా వరకు సూపర్ హిట్ అవడంతో పాటు ఆమెకు మంచి పేరును తెచ్చి పెట్టాయి. అందులో ‘క్యాష్' కూడా ఒకటని తెలిసిందే. బుల్లితెర, వెండితెరకు చెందిన సెలెబ్రిటీలు హాజరయ్యే ఈ షో విజయవంతంగా ప్రసారం అవుతోంది. దీనికి వచ్చిన వారికి సుమ చుక్కలు చూపిస్తూ క్రేజ్ పెంచింది.

వచ్చే వారం మేజర్ యూనిట్

వచ్చే శనివారం ప్రసారం కానున్న ‘క్యాష్' ఎపిసోడ్‌కు సంబంధించిన ప్రోమో తాజాగా విడుదలైంది. ఇందులో ‘మేజర్' మూవీ యూనిట్ సభ్యులు అడివి శేష్, శశి కిరణ్ తిక్కా, శ్రీచరణ్ పాకాల, గీతా భగత్‌లు వచ్చారు. వీళ్లతో సుమ చేసిన సందడి అంతా ఇంతా కాదు. మరీ ముఖ్యంగా ఇందులో కొందరిని ఈ సీనియర్ యాంకర్ తనదైన శైలి టైమింగ్‌తో ఉక్కిరిబిక్కిరి చేసేసింది.

సుమకే పంచ్‌లు.. అదిరింది

సాదారణంగా క్యాష్ షోలో వచ్చిన సెలెబ్రిటీలకు యాంకర్ సుమ కనకాల పంచ్‌లు వేస్తూ ఆట పట్టిస్తుంటుంది. ఆమె దెబ్బకు అందరూ బిత్తరపోతుంటారు. అయితే, తాజాగా విడుదలైన ప్రోమోలో సెలెబ్రిటీలే ఈ యాంకరమ్మకు చుక్కలు చూపించారు. మరీ ముఖ్యంగా టాలీవుడ్ టాలెంటెడ్ హీరో అడివి శేష్ తనదైన శైలి పంచులతో ఆమెకు నోట మాట రానీయకుండా చేయగలిగాడు.

హీరో ఆమెతో.. శశి సుమతోనే

వచ్చే శనివారం ప్రసారం కాబోతున్న ‘క్యాష్' షోలో భాగంగా మేజర్ చిత్ర యూనిట్ ఫన్సీ స్కిట్ చేసింది. ఇందులో భాగంగా హీరో అడివి శేష్ సినిమా ఫంక్షన్ కోసం గీతా భగత్‌ను హోస్ట్ చేయాలని అడుగుతాడు. కానీ, డైరెక్టర్ మాత్రం దీనికి సుమను యాంకర్‌గా చేయమని కోరుతాడు. ఆ సమయంలో వీళ్లు చేసిన యాక్టింగ్‌కు ఓ రేంజ్‌లో నవ్వులు కనిపించి, వినిపించాయి.

పరువు పాయే.. ఆమెతో గొడవ

స్కిట్‌లో భాగంగా హీరో మాట ప్రకారం గీతా భగత్, డైరెక్టర్ పిలుపు మేరకు సుమ ‘మేజర్' ఫంక్షన్‌కు హోస్ట్ చేయడానికి వస్తారు. అప్పుడు ఒకరిని చూసి ఒకరు షాక్ అవుతారు. ఆ సమయంలో ఇద్దరికీ అసలు విషయం తెలుస్తుంది. దీంతో నేను హోస్ట్ చేస్తానంటే నేను చేస్తా అంటూ గొడవ పడుతుంటారు. ఈ స్కిట్ మొత్తం ఎంతో ఫన్నీగా సాగడంతో అంతా ఖుషీ అయిపోయారు.

సరికొత్త ఆట... ఫన్నే ఫన్ను

‘క్యాష్' షోలో భాగంగా సెలెబ్రిటీలను ఇబ్బంది పెట్టేందుకు సుమ కొన్ని ఆటలు ఆడిస్తుంది. ఇందులో భాగంగానే మేజర్ యూనిట్‌తో తన ప్రశ్నకు సమాధానం చెప్పకుండా ఉండాలంటే టాస్కులు ఆడాలని చెప్పింది. కానీ, ఇందులో అందరూ ఫెయిల్ అయ్యారు. కాదు కాదు.. సుమనే తనదైన శైలి టాస్కులతో అందరూ ఓడిపోయేలా చేసింది. దీంతో ఈ ప్రోమో హైలైట్ అయింది.