50 వేల అప్పుతో ఇంటి నుంచి బయటకు.. కులం కాదనే బ్రేకప్ చెప్పింది.. కష్టాలు చెప్పుకొన్న అఖిల్ సార్థక్

చిన్నప్పుడే సెలబ్రిటీగా మారాలనే

చిన్నతనంలోనే తాను సెలెబ్రిటీ కావాలని కోరుకొన్నాను. మనం చేసే వృత్తి చెప్పుకొనే విధంగా కాకుండా మన గురించి మరొకరు చెప్పుకొనేలా ఉండాలని ప్రయత్నించాను. నా చుట్టూ అందరూ ఉండాలని, మీడియా వెలుగుల మధ్య జీవించాలని కోరుకొన్నాను అని అఖిల్ సార్థక్ చెప్పారు.

19 ఏళ్ల వయసులోనే

19 వయసులోనే తన కెరీర్ గురించి ఓ అవగాహన పెంచుకొన్నాను. అందుకోసం చాలా కష్టపడ్డాను. ఓ సెలబ్రిటీకి ఉండాల్సిన ఫిజికల్ అప్పీయరెన్స్ సమకూర్చుకొనేందుకు ప్రయత్నించాను. జిమ్, అందంగా కనపడటానికి కొన్ని చికిత్సలు చేయించుకొన్నాను అంటూ అఖిల్ సార్థక్ తెలిపారు.

50 వేలు అప్పు చేసి

ఇంటి నుంచి బయటకు వచ్చిన సమయంలో తనకు తెలిసిన ఓ వ్యక్తి నుంచి 50 వేలు అప్పు తీసుకొని హైదరాబాద్‌కు వెళ్లాను. అవకాశాలను వెతుక్కొంటూ అప్పు తీర్చే ప్రయత్నం చేశాను. అలా నా కెరీర్‌ను నాకు నేనుగా నిర్మించుకొన్నాను. అప్పులు చేస్తూ.. వాటిని తీర్చుతూ అలా కెరీర్‌లో ముందుకెళ్లి బిగ్‌బాస్ ద్వారా ఈ స్థాయికి చేరుకొన్నాను అని అఖిల్ అన్నారు.

నాకు అన్ని చోట్ల అన్యాయమే

టెలివిజన్ సీరియల్స్‌లో నటించే సమయంలో నాకు చాలా అన్యాయం జరిగింది. సీరియల్స్‌లో నటిస్తున్న సమయంలో యాడ్స్‌లో నటించే అవకాశం లభించింది. కానీ కొందరు ఆ అవకాశాలను అందుకోకుండా నన్ను తొక్కేసారు. కొందరు చేసిన పనుల వల్ల ముంబై కంపెనీకి సంబంధించిన యాడ్స్‌లో నటించలేకపోయాను అని అఖిల్ సార్థక్ తెలిపారు.

కులం కాదని బ్రేకప్ చెప్పిన లవర్

ఇక తన లవ్ బ్రేకప్ గురించి తెలియజేస్తూ.. ఒక అమ్మాయితో ప్రేమలో ఉన్నాను. కానీ చివరకు కులం కాదనే విషయంపై నా ప్రేమను తిరస్కరించారు. దాంతో ఆ ప్రేమ వ్యవహారానికి బ్రేక్ పడింది. జీవితంలో నేను ప్రేమ పెళ్లినే చేసుకొంటాను. ఎందుకంటే నా తల్లిదండ్రులది ప్రేమ వివాహం అంటూ అఖిల్ చెప్పారు.