అఖిల్ సార్థక్ రెమ్యూనరేషన్ లీక్: బిగ్ బాస్ రన్నరప్ కంటే అతడికే ఎక్కువ.. షాకిస్తోన్న లెక్కలు!

అన్నింట్లో ముందుంటూ ఫుల్ ఫేమస్

బిగ్ బాస్ హౌస్‌లోకి అడుగు పెట్టినప్పటి నుంచే అఖిల్ సార్థక్ తన మార్క్ చూపించే ప్రయత్నం చేశాడు. టాస్కుల్లో చక్కగా ఆడుతూ.. వీకెండ్ గేమ్స్‌లోనూ సత్తా చాటాడు. తద్వారా ఎన్నో సందర్భాల్లో తన జట్టుకు విజయం అందించాడు. అదే సమయంలో ఫ్రెండ్‌షిప్‌కు విలువ ఇస్తూ మంచి పేరు సంపాదించాడు. ఇలా అన్నింట్లోనూ ముందుంటూ ఫుల్ ఫేమస్ అయిపోయాడు.

మోనాల్ గజ్జర్ వల్ల మరింత పాపులర్

అఖిల్ సార్థక్.. ప్రముఖ హీరోయిన్ మోనాల్ గజ్జర్‌తో లవ్ ట్రాకు వల్ల బాగా పాపులర్ అయ్యాడు. చనువుగా ఉండడంతో పాటు ఆమెకు ఏం కావాలన్నా దగ్గరుండి చూసుకునే వాడు. ఈ నేపథ్యంలోనే ఇద్దరూ ప్రేమలో ఉన్నట్లు ప్రచారం మొదలైంది. అందుకు అనుగుణంగానే వీళ్లిద్దరూ హగ్గులు, ముద్దులతో రెచ్చిపోయారు. ఫలితంగా తరచూ వార్తల్లో నిలుస్తూ ఉండేవారు.

పులి.. అఖిలే నెంబర్ వన్ అని గొడవ

బిగ్ బాస్ హౌస్‌లో జరిగిన గొడవల్లో అఖిల్ సార్థక్ పాలుపంచుకున్నవే చాలా ఉన్నాయి. మరీ ముఖ్యంగా అభిజీత్‌తో అతడు తరచూ వాగ్వాదానికి దిగేవాడు. తనను తాను పులి అని సంబోధించుకోవడంతో పాటు అఖిలే నెంబర్ వన్ అని ఎప్పుడూ చెప్పుకుంటుండేవాడు. ఈ కారణంగానూ పలుమార్లు నామినేషన్‌లోకి వచ్చాడు. కానీ, ప్రేక్షకుల మద్దతుతో సేఫ్ అయ్యాడు.

ఎన్నో మలుపుల మధ్య రెండో స్థానం

బిగ్ బాస్ నాలుగో సీజన్‌లో బెస్ట్ కంటెస్టెంట్ అనిపించుకున్నాడు అఖిల్ సార్థక్. కానీ, అభిజీత్ ఫ్యాన్స్ తాకిడికి తట్టుకోలేకపోయాడు. దీంతో రన్నరప్‌తో సరిపెట్టుకోగా.. అతడు టైటిల్‌ను ఎగరేసుకుని పోయాడు. వాస్తవానికి సయ్యద్ సోహెల్ రియాన్ బిగ్ బాస్ ఇచ్చిన రూ. 25 లక్షల ఆఫర్‌కు అంగీకరించడం వల్లే అఖిల్ టాప్-2కి చేరుకున్నాడు. లేకుంటే పరిస్థితి ఎలా ఉండేదో.

అఖిల్ సార్థక్ రెమ్యూనరేషన్ వివరాలు

నాలుగో సీజన్ పూర్తయిన తర్వాత టాప్ -5 కంటెస్టెంట్లు అంతా వరుస ఇంటర్వ్యూలతో బిజీ బిజీగా గడుపుతున్నారు. ఈ నేపథ్యంలో ఎన్నో రహస్యాలు బయటకు వస్తున్నాయి. ఇందులో భాగంగానే రెమ్యూనరేషన్ వివరాలూ లీక్ అవుతున్నాయి. ఇలాంటి పరిస్థితుల్లో అఖిల్ తీసుకున్న పారితోషికం కూడా బయటకు వచ్చింది. ఈ లెక్కలు చాలా మందని ఆశ్చర్యపరుస్తున్నాయి.

బిగ్ బాస్ రన్నరప్ కంటే అతడికే ఎక్కువ

అఖిల్ సార్థక్ బిగ్ బాస్ హౌస్‌లో 105 రోజుల పాటు కొనసాగాడు. అతడు రోజుకు రూ. 25 వేలు చార్జ్ చేసినట్లు తెలిసింది. దీంతో మొత్తంగా షోలో ఉన్నందుకు రూ. 26 లక్షల 25 వేలు రెమ్యూనరేషన్‌గా అందుకున్నాడని సమాచారం. అయితే, తన తర్వాతి స్థానంలో ఉన్న సోహెల్ మాత్రం బిగ్ బాస్ ఇచ్చిన రూ. 25 లక్షలతో మొత్తంగా రూ. 51 లక్షల వరకు సంపాదించాడని టాక్.