నాగార్జున రీఎంట్రీ: వచ్చీ రావడంతోనే ఆ ఇద్దరికి క్లాస్.. ఎలిమినేట్ అయ్యేది అతడేనా.!

నాగార్జున రీఎంట్రీ

గత వారం బిగ్ బాస్ షోకు దూరంగా ఉన్న నాగార్జున.. ఈ వారం మాత్రం రీఎంట్రీ ఇవ్వబోతున్నారు. ఈ మేరకు బిగ్ బాస్ నిర్వహకులు ఓ ప్రోమోను కూడా విడుదల చేశారు. నాగార్జున పుట్టినరోజు ఉండడం వల్ల ఆయన తన కుటుంబ సభ్యులతో కలిసి స్పెయిన్ వెళ్లిన విషయం తెలిసిందే. దీంతో ఆయన స్థానంలో రమ్యకృష్ణ హోస్ట్‌గా బాధ్యతలు నిర్వర్తించారు.

రావడంతోనే వాళ్లపై ఫైర్

ఈ వారం ఒకరిని మరొకరు నెట్టుకోవడం, మీద పడిపోవడం, గొడవలు పెట్టుకోవడం వంటి వాటితో ఈ టాస్క్ రణరంగంగా సాగింది. ముఖ్యంగా ఇందులో అలీ రేజా రెచ్చిపోయి ఆడాడు. ఈ క్రమంలో అతడికి, పలుమార్లు గొడవకు దిగిన పునర్నవికి సైతం నాగార్జున క్లాస్ పీకాడు. దీనిని ప్రోమోలో చూపించారు. బాస్ రావడం రావడమే సీరియస్‌గా వచ్చినట్లు కనిపిస్తున్నాడు.

వాళ్లకు కూడా ఉందా?

ఈ వారం నిర్వహించిన టాస్క్‌ను అర్థాంతరంగా ముగించాడు బిగ్ బాస్. దీనికి కారణం అక్కడ జరిగిన గొడవలే. ఇది ఏ ఒక్కరి వల్లే కాలేదు. ఈ టాస్క్ రద్దు అవడానికి అందరూ కారణమే. ఇదే విషయాన్ని నాగార్జున కూడా ప్రస్తావించాడు. టాస్క్ రద్దు అయిందంటే మీరంతా హద్దు దాటినట్లే అని నాగార్జున సీరియస్ అయ్యాడు.

డేంజర్‌ జోన్‌లో ఆ ఇద్దరు

మొదటి సారి ఎలిమినేషన్‌లో ఉన్నానన్న ప్రస్టేషనో ఏమో గానీ అలీ రేజా ఈ టాస్క్‌లో క్రూరంగా ప్రవర్తించాడన్న టాక్ వినిపిస్తోంది. అందుకే ఈ సారి ఓటింగ్‌లో అతడికి వ్యతిరేకంగా ఓట్లు పోలవుతున్నాయి. దీంతో అలీ రేజా డేంజర్ జోన్‌లో పడిపోయినట్లు కొన్ని సైట్స్ చూపిస్తున్నాయి. అలాగే, మహేశ్ విట్టా కూడా చివరి స్థానంలో ఉన్నట్లు మరికొన్ని చూపిస్తున్నాయి. దీంతో ఎవరు ఎలిమినేట్ అవుతారన్నది ఆసక్తికరంగా మారింది.