అలీ షోలో రేణు దేశాయ్: రూపాయి ఇవ్వలేదు, ఆద్య లేకుంటే చచ్చిపోతా!

ఆ పేరంటే ఇష్టం లేదు

మీకు ‘రేణు' అనే పేరు ఇష్టం లేదంట కదా? ఎందకు అంటూ అలీ ప్రశ్నించగా... ‘అవును.. నాకు ఆ పేరు అంటే ఇష్టం లేదు. రేవతి లేదే రేవ అని పెడితే బావుండేదు. రేణు అనే పేరు ఎందుకు నచ్చలేదు' అని సమాధానం ఇచ్చారు.

ఒక్క రూపాయి కూడా ఇవ్వలేదు

అందరి కంటే ఎక్కువ రెమ్యూనరేషన్ తీసుకునే ఎడిటర్ మీరే అంటకదా? అనే ప్రశ్నకు రేణు దేశాయ్ స్పందిస్తూ... ‘నేను జానీ, ఖుషి సినిమాలకు ఎడిటర్‌గా చేశాను. ఒక్క రూపాయి కూడా తీసుకోలేదు. ఎస్.జె సూపర్య గారు, రత్నంగారు, మా ఎక్స్ హస్బెండ్ కళ్యాణ్ గారే అందుకు సాక్ష్యం.'' అని తెలిపారు.

రెండో పెళ్లి చేసుకుంటే తప్పేంటి?

మగవాళ్లు రెండో పెళ్లి చేసుకున్నపుడు ఆడవారు ఎందుకు చేసుకోకూడదు అని ఒక పోస్ట్ మీరు పెట్టారు కదా.. మీరు త్వరలో మరో పెళ్లి చేసుకోబోతున్నారా?.. అంటూ ఆమె నుంచి అలీ మరిన్ని విషయాలు రాబట్టే ప్రయత్నం చేశారు. ‘‘అవును, ఆల్రెడీ మరొకరితో ఎంగేజ్మెంట్ కూడా అయిపోయింది. సోషల్ మీడియాలో ఆ విషయం పెట్టిన తర్వాతే పెద్ద హడావుడి జరిగింది. నా రెండో పెళ్లి కూడా ఒక పెద్ద డిస్క్రషన్. దీన్ని నేను రహస్యంగా చేసుకోవడం లేదు. ఇదేమీ దొంగపని కాదు.'' అని రేణు దేశాయ్ సమాధానం ఇచ్చారు.

ఆద్య లేకుంటే చచ్చిపోతా

మీరు పుట్టినపుడు ఆసుపత్రికి మీ తండ్రి రాలేదంట కదా? ఎందుకు? అంటూ... అలీ ప్రశ్నించగా.. ‘‘అవును, మీరు విన్నదినిజమే, అమ్మాయి పుట్టిందనే కోపంతో మా నాన్న రాలేదు. నేను చాలా లక్కీ ఉమెన్, ఎందుకంటే నాకు ఆద్యా లాంటి కూతురు ఉంది. ఆద్య లేకుండా నేను ఉండలేను. చచ్చిపోతానేమో'' అంటూ రేణు దేశాయ్ కన్నీరు పెట్టుకున్నారు.

పవన్-అలీ గొడవ గురించి

ఈ సందర్భంగా రేణు దేశాయ్ అలీని ఓ ప్రశ్న అడిగారు. ‘మీకు, కళ్యాణ్ గారికి చాలా పెద్ద గొడవ అయిందని విన్నాను. నిజంగానే అయిందా?' అని ప్రశ్నించగా అలీ ‘అవును' అని చెప్పడంతో ఈ ప్రోమో ఎండ్ అయింది. పూర్తి షో త్వరలో ప్రసారం కాబోతోంది. చివరి ప్రశ్న షోపై అంచనాలు మరింత పెంచేసింది.