ప్రియమణి బాడీపై బన్నీ షాకింగ్ కామెంట్స్: బుగ్గ పట్టుకుని నాటీగా.. ఎప్పటికైనా అవకాశం వస్తుందంటూ!

తెలుగు బుల్లితెరపై ప్రత్యేకమైన షో

తెలుగు బుల్లితెరపై ఎన్నో రకాల షోలు ప్రసారం అవుతూ ఉంటాయి. అందులో కొన్నింటికి మాత్రమే ప్రేక్షకుల నుంచి భారీ స్థాయిలో రెస్పాన్స్ దక్కుతూ ఉంటుంది. అందులో బిగ్గెస్ట్ డ్యాన్స్ రియాలిటీ షోగా పేరొందిన 'ఢీ' ఒకటి. దాదాపు పదమూడేళ్లుగా ప్రసారం అవుతోన్న ఈ షోకు.. రోజురోజుకూ ఆదరణ పెరుగుతూనే ఉంది. దీంతో ఈ షో సీజన్ల మీద సీజన్లు జరుపుకుంటోంది.

పదమూడు సీజన్లు.. గ్రాండ్ ఫినాలే

'ఢీ' షో పదమూడో సీజన్ 'కింగ్ వర్సెస్ క్వీన్స్' పేరిట ప్రసారం అవుతోంది. ఈ సీజన్‌లో.. గతంలో మాదిరిగా కాకుండా మొత్తం కొత్త వాళ్లను తీసుకొచ్చారు. దీంతో ఈ సీజన్ పోటీ పోటీగా జరుగుతూ వచ్చింది. అందుకే గత వాటి కంటే ఈ సీజన్‌కు మరింత రెస్పాన్స్ వస్తోంది. ఇక, ఇప్పుడు గ్రాండ్ ఫినాలే దశకు చేరుకుంది. వచ్చే వారమే ఇందులో విజేతను ప్రకటించబోతున్నారు.

ఆ ఇద్దరి మధ్య ఢీ 13 టైటిల్ ఫైట్

'కింగ్ వర్సెస్ క్వీన్స్' సీజన్‌ను అమ్మాయిలు, అబ్బాయిలకు మధ్య పోటీగా మొదలెట్టారు. కింగ్స్ టీమ్‌కు సుడిగాలి సుధీర్, హైపర్ ఆది.. క్వీన్స్ జట్టుకు రష్మీ గౌతమ్, దీపిక పిల్లి మెంటర్లుగా వ్యవహరిస్తున్నారు. జడ్జ్‌లుగా గణేష్ మాస్టర్, పూర్ణ, ప్రియమణిలు ఉన్నారు. స్టార్ యాంకర్ ప్రదీప్ మాచిరాజు హోస్ట్ చేస్తున్నాడు. కార్తీక్, కావ్యశ్రీ మధ్య వచ్చే వారం టైటిల్ ఫైట్ జరగనుంది.

పదేళ్ల తర్వాత వచ్చిన ఐకాన్ స్టార్

వచ్చే బుధవారం ఢీ పదమూడవ సీజన్ 'కింగ్ వర్సెస్ క్వీన్స్' ఫినాలే ఎపిసోడ్ జరగబోతుంది. దీని కోసం ముఖ్య అతిథిగా ఐకాన్ స్టార్ అల్లు అర్జున్ వచ్చాడు. దీనికి సంబంధించిన ప్రోమో కూడా ఇప్పటికే విడుదలైంది. ఈ నేపథ్యంలో తాజాగా మరో ప్రోమోను కూడా విడుదల చేశారు. ఇందులో అల్లు అర్జున్ పంచులు, ప్రాసలతో పాటు అదిరిపోయే డైలాగులతో అలరించాడు.

హీరోయిన్లను పరిచయం చేశాడు

తాజాగా విడుదలైన ప్రోమోలో అల్లు అర్జున్‌కు యాంకర్ ప్రదీప్ అందరినీ పరిచయం చేశాడు. మరీ ముఖ్యంగా జడ్జ్‌లుగా ఉన్న ప్రియమణి, పూర్ణ గురించి ప్రత్యేకంగా చెప్పాడు. బాగా డ్యాన్స్ చేస్తే ప్రియమణి హగ్ ఇస్తారని, పూర్ణ బుగ్గలు కొరుకుతారని చెప్పాడు. అప్పుడు బన్నీ 'ఇంకా బాగా పెర్ఫార్మ్ చేస్తే ఏం చేస్తారు' అని పంచ్ వేశాడు. దీంతో సెట్‌లో అందరూ నవ్వుకున్నారు.

బుగ్గ పట్టుకుని ఫీల్ అయిన బన్నీ

ఫినాలే ఎపిసోడ్‌లో భాగంగా క్వీన్స్ టీమ్ నుంచి కావ్యశ్రీ అదిరిపోయే డ్యాన్స్ పెర్ఫార్మెన్స్ చేసింది. దీంతో జడ్జ్ పూర్ణ ఆమె బుగ్గను కొరికేసింది. ఆ సమయంలో బన్నీ తన బుగ్గను కొరుకుతున్నట్లుగా ఫీల్ అయ్యాడు. అంతేకాదు, 'ఆ అమ్మాయి చాలా అదృష్టవంతురాలు. ఎందుకంటే ఇంకా బాగా డ్యాన్స్ చేసుంటే ఏమైపోదునో' అంటూ పూర్ణపై నాటీ కామెంట్స్ చేశాడు.

Recommended Video

Pawan Kalyan Song In World Of Dance International Dance Show || Filmibeat Telugu

ప్రియమణి ఫిగర్‌పై హాట్ కామెంట్

ఈ ప్రోమోలో భాగంగా ప్రియమణి మాట్లాడుతూ.. 'నాకు ఇప్పటికీ ఒక బాధ ఉంది. బన్నీతో ఇప్పటి వరకూ వర్క్ చేయలేదు' అని చెప్పుకొచ్చింది. దీంతో అల్లు అర్జున్ 'వర్క్ చేయలేదని అనుకోవద్దు. ఇప్పటికీ ఇంకా ఛాన్స్ ఉంది. ఎప్పుడైనా చేయొచ్చు. పైగా ఇప్పుడు బాగా సన్నబడిపోయావ్. మాంచి హాట్‌గా తయారయ్యావ్' అని చెప్పడంతో ఆమె తెగ పొంగిపోయింది.