చెరువు గట్టుపై చీరలో.. అదే మన బలమని అంటోన్న అనసూయ

లాక్‌డౌన్‌లో సందడి..

మూడు నెలల లాక్ డౌన్ కాలంలో అనసూయ ఎన్నో సార్లు వార్తల్లో నిలిచింది. లైవ్ అందాల కనువిందు చేసి నెటిజన్లను ఉక్కిరిబిక్కిరి చేసింది. కాంట్రవర్సీ స్టేట్మెంట్లు చేసి అందరికీ టార్గెట్ అయింది. లైవ్‌లో నెటిజన్లు తిట్టి మళ్లీ వైరల్ అయింది. తన డ్రెస్సింగ్ మీద కామెంట్స్ చేసిన వారిని దులిపేసింది.

మళ్లీ పనుల్లో బిజీగా..

దాదాపు వంద రోజుల తరువాత మళ్లీ కెమెరాముందుకు వెళ్లింది అనసూయ. రీసెంట్‌గా జబర్దస్త్‌కు సంబంధించిన షూటింగ్ కూడా మొదలైంది. అందులో అనసూయ మరింత గ్లామర్‌గా కనిపించింది. చాలా రోజుల తరువాత సెట్‌లోకి వచ్చామని, అక్కడి కబుర్లను చెప్పుకొచ్చింది.

వెరైటీ లుక్..

అనసూయ తన లుక్‌ను మార్చేసి అందరికీ షాక్ ఇచ్చింది. ‘నేను ఏది చేస్తానో దాన్ని ప్రేమిస్తాను.. నన్ను నేను కొత్తగా ఆవిష్కరించుకుంటున్నాను.. నా వేషధారణ, నా మనసు, నా అంతరాత్మ.. మళ్లీ నా పని ప్రపంచంలోకి వచ్చాను.. నన్ను ఇంత కొత్తగా మార్చేందుకు వచ్చిన సచిన్‌కు థ్యాంక్స్'అని చెప్పుకొస్తూ ఇంగ్లీష్ పాపలా మారిపోయింది.

చెరువుగట్టుపై చీరలో..

తాజాగా అనసూయ తన సొంతూరు భూదాన్ పోచంపల్లిలో ప్రత్యక్షమైంది. అక్కడి వాతావరణాన్ని ఆస్వాదిస్తూ తబ్బిబ్బైపోయింది. నేత కార్మికులు తయారు చేసిన చీరను కట్టుకుని అలా చెరువుగట్టు వద్ద పోజులు ఇచ్చింది. ఇక చీరలో అనసూయ అందాలు రెట్టింపు కావడంతో అంతా ఫిదా అవుతున్నారు.

Recommended Video

Anasuya Bharadwaj Likely To Out From Jabardasth Show

అదే మన బలం..

తన సొంతూరిలో అందరికీ నిత్యావసర సరుకులను పంచినట్టు తెలుస్తోంది. ఈ మేరకు కొన్ని ఫోటోలను కూడా షేర్ చేసింది. నా సొంతూరికి వెళ్లాను, నా ప్రజలు, మేమంతా కలిసి ఉంటాము.. ఒకరినొకరు రక్షిస్తూ ఉండాలి.. చేనేత వస్త్రాలను ధరించాను.. చేనేత వస్త్రాలంటేనే ఇష్టం.. చేనేత కార్మికులకు అండగా ఉంటాను.. చేనేత కార్మికులే మన ఆస్తి, మన బలమని అని అనసూయ పేర్కొంది.