పెళ్లి చేసుకోమంటూ యాంకర్ శివ వెంట పడుతున్న అరియానా

యూట్యూబ్ యాంకర్ గా

ఒకప్పుడు యాంకర్ అవ్వాలంటే మంచి చదువు, ఆహార్యం, తెలుగు భాష మీద పట్టు అంటూ రకరకాల క్వాలిఫికేషన్స్ ఉండాల్సిందే. కానీ డిజిటల్ మీడియా ఎంట్రీతో యాంకర్ అవ్వాలంటే సూటిగా సుత్తిలేకుండా ఎదుటివారిని భయపడకుండా ప్రశ్నలు అడిగే సత్తా ఉంటే చాలు అని నిరూపించుకున్నాడు శివ. ఒక వార్త ఛానల్ లో డ్రైవర్గా ప్రస్థానం ప్రారంభించిన శివ తర్వాత కాలంలో యూట్యూబ్ యాంకర్ గా మంచి పేరు తెచ్చుకున్నాడు.

స్నేహితుడిగా మిగిలి

అలా పేరు తెచ్చుకోవడమే కాకుండా బిగ్ బాస్ నాన్ స్టాప్ సీజన్ వన్ కంటెస్టెంట్ గా ఎంట్రీ ఇచ్చాడు. కంటెస్టెంట్ గా ఎంట్రీ ఇచ్చి హౌస్ లోపల కొన్నాళ్లపాటు నిలబడడమే చాలా గొప్ప విషయం అనుకుంటే ఏకంగా టాప్ ఫైవ్ కి వెళ్లి అందరినీ ఆశ్చర్యపరిచాడు. బిగ్ బాస్ విజేత బిందుమాధవితో లవ్ ట్రాక్ నడవడానికి ప్రయత్నించి చివరికి స్నేహితుడిగా మిగిలిపోయాడు శివ.

మ్యారీ మీ

ఇప్పుడు తనతోపాటు బిగ్ బాస్ హౌస్ లో ఉన్న మిగతా అందరితో ఆసక్తికరంగా కలుస్తూ వారితో సోషల్ మీడియాలో కూడా రకరకాల పోస్టులు షేర్ చేస్తున్నాడు. తాజాగా శివ యాంకర్ అరియానా గ్లోరీని కలిసినట్టున్నాడు. దీంతో ఇద్దరూ కలిసి ఒక ఇంస్టాగ్రామ్ రీల్ రూపొందించి సోషల్ మీడియాలో విడుదల చేశారు. ఈ మధ్య సోషల్ మీడియాలో ఒక రీల్ విపరీతంగా వైరల్ అవుతోంది. అదే మ్యారీ మీ రీల్.

హాట్ టాపిక్ గా

అది ఏమిటి అంటే స్త్రీ పురుషుడి చేత రింగ్ తొడిగించుకుని పెళ్లి చేసుకో, పెళ్లి చేసుకో అనే అర్థం వచ్చేలా ఇంగ్లీష్ లో ఉన్న లిరిక్స్ తో వీడియోలు చేస్తున్నారు. ప్రస్తుతానికి ఇది ఒక ట్రెండ్ గా మారిపోయింది. ఆఖరికి హీరోయిన్ సమంత లాంటి వారు కూడా ఈ ట్రేండింగ్ మ్యూజిక్ తో రీల్ చేసి రిలీజ్ చేశారు అంటే ఎంత క్రేజ్ ఉందో ప్రత్యేకంగా చెప్పాల్సిన అవసరం లేదు. ఇప్పుడు అదే రీల్ మ్యూజిక్ కు యాంకర్ శివ, అరియానా ఇద్దరూ కలిసి రీల్ చేసి హాట్ టాపిక్ గా మారారు.

పక్కకి వెళ్ళి పోతూ

అందులో అరియానా శివను పెళ్లి చేసుకోమని వెంట పడుతూ ఉండగా శివ ఆమెని పట్టించుకోకుండా పక్కకి వెళ్ళి పోతూ ఉండటం గమనించవచ్చు. ఇక హౌస్ లోపల ఉండగా అరియానాతో కూడా పులిహోర కలిపి పడేయడానికి ప్రయత్నించిన శివ ఆ తర్వాత ఆమె వార్నింగ్ ఇవ్వడంతో ఆమె జోలికి మళ్ళీ వెళ్ళలేదు.