Bigg Boss Telugu 6: ఐపీఎల్ యాంకర్ నుంచి బిగ్బాస్ కంటెస్టెంట్ వరకు.. నేహా చౌదరీ జర్నీ ఇదే..

| Published: Sunday, September 4, 2022, 18:49 [IST]

దేశవ్యాప్తంగా గుర్తింపు పొందిన రియాలిటీ షోలలో బిగ్బాస్ షో ముందుంటుంది. ఈ బిగ్బాస్ షో తెలుగు ప్రేక్షకులను బాగానే ఆకట్టుకుంది. అందుకే ఏ షోకి లేని క్రేజ్ను సంపాందించుకుంది. కంటెస్టెంట్లు, టాస్క్లు వంటి తదితర ఆసక్తికర అంశాలతో మరోసారి అక్కినేని నాగార్జున హోస్ట్గా వస్తోంది బిగ్బాస్ ఆరో సీజన్. ఇక ఎప్పుడెప్పుడూ ప్రారంభం అవుతుందా అని తెలుగు ఆడియెన్స్ వేయి కళ్లతో ఎదురుచూసిన సమయం రానే వచ్చింది. సెప్టెంబర్ 4వ తేది నుంచి ప్రారంభమయ్యే ఈ బిగ్బాస్ షోలో పాల్గొనే అవకాశం దక్కించుకుంది ప్రముఖ ఐపీఎల్ యాంకర్ నేహా చౌదరి. మరి ఆమెకు సంబంధించిన పలు ఆసక్తికర విషయాలు తెలుసుకుందామా!

క్యూరియాసిటీ..

తెలుగులో బిగ్ బాస్ ప్రారంభమై సూపర్ హిట్ సాధించింది. ఇక అప్పటి నుంచి ఈ షోలో పాల్గొనే కంటెస్టెంట్లపై ఎప్పుడూ ఒక క్యూరియాసిటీ నెలకొంటుంది. సినీ సెలబ్రిటీల నుంచి సోషల్ మీడియా స్టార్లతోపాటు పలువురు కామన్ పీపుల్స్ను బిగ్బాస్ హౌజ్లోకి పంపిస్తూ సూపర్ ప్లే చేస్తాడు బిగ్బాస్.

ఆసక్తిగా ఆట..

ఈ షోలో పాల్గొనే సభ్యుల నుంచి వారు గేమ్లో ఆడే టాస్క్లు, చివరిగా గెలిచే విజేత వరకూ ఎప్పుడు ఆసక్తిగానే సాగుతుంది. ఇలా ఆసక్తికగా సాగే ఆటలో కంటెస్టెంట్లు కీలకం. అలాంటి కంటెస్టెంట్ల జాబితాలో చోటు సంపాందించుకుంది ప్రముఖ ఐపీఎల్ యాంకర్ నేహా చౌదరి.

2012 నుంచి యాంకర్గా..

టెలివిజన్ యాంకర్గా పాపులర్ అయింది నేహా చౌదరి. ఆంధ్రప్రదేశ్లోని తిరుపతిలో జన్మించిన నేహా చౌదరి 2012 నుంచి యాంకర్గా కొనసాగుతోంది. 2020-21లో జరిగిన ఇండియన్ ప్రీమియల్ లీగ్ (ఐపీఎల్)కు స్టార్ స్పోర్ట్స్ తెలుగులో యాంకర్గా మోస్ట్ పాపులర్ అయింది నేహ చౌదరి.

క్రికెట్ మ్యాచ్లకు హోస్ట్గా..

2020లో జరిగిన ఇండియా వర్సెస్ ఇంగ్లాండ్ వన్డే సిరీస్ వంటి తదితర మ్యాచ్లకు హోస్ట్గా వ్యవహరించింది. అంతేకాకుండా 2020లో జరిగిన ఇండియా వర్సెస్ ఆస్ట్రేలియా టీ20 మహిళల ప్రపంచకప్కు ప్రజెంటర్గా పనిచేసింది. అలాగే 2019లో వివో ప్రో కబడ్డీకి స్టార్ స్పోర్ట్స్ తెలుగులో వ్యాఖ్యాతగా వ్యవహరించింది నేహా చౌదరి.

నిజం టీవి సిరీస్లో..

అయితే యాంకర్గా సక్సెస్ఫుల్గా కొనసాగిన నేహా చౌదరి అథ్లేట్గా భారతదేశానికి ప్రాతినిధ్యం వహించాలను కలలు కంది. నేహా చౌదరి యాంకర్ కాకుండా ఈటీవీ ప్లస్లో 2020 మార్చి 9న ప్రసారమైన నిజం టీవీ సిరీస్లో నటించింది కూడా.

జాతీయ అవార్డులు..

నేహా చౌదరి యాంకరింగ్తోపాటు నటి, డ్యాన్సర్, మోడల్, యోగా ట్రైనర్, స్విమ్మర్ కూడా. జిమ్నాస్టిక్లో అనేక జాతీయ అవార్డులను కూడా సాధించింది. యువ కళావాహిని ఎక్సలెన్స్ అవార్డులలో ఉత్తమ యాంకర్ అవార్డును గెలుచుకుంది. సెప్టెంబర్ 11న తిరుపతిలో జన్మించిన నేహా చౌదరిది మధ్య తరగతి కుటుంబం. ఆమెకు ఒక ట్విన్ బ్రదర్ కూడా ఉన్నాడు.