ఢీ షో నాది కాదు.. ఆ విషయం నాకెలా తెలుస్తుంది.. యాంకర్ రష్మీ కామెంట్స్ వైరల్

కింగ్స్ వర్సెస్ క్వీన్..

ఢీ పదమూడో సీజన్‌లో కింగ్స్ వర్సెస్ క్వీన్ అంటూ కొత్త కాన్సెప్ట్‌తో వచ్చారు. ఇందులో చాలా మార్పులే చేశారు. ఇంతకు ముందు హైపర్ ఆది వర్షిణి ఓ వైపు.. రష్మీ సుధీర్ మరో వైపు ఉండేవారు. మధ్య మధ్యలో వీరితో చేయించే కామెడీ స్కిట్స్ బాగానే క్లిక్ అయ్యేవి. కానీ ఈ పదమూడో సీజన్‌లో మాత్రం మొత్తం మార్చేశారు.

ఆమె అవుట్..

పదమూడో సీజన్‌లో వర్షిణినీ తీసుకోలేదు. ఆమె రాలేదో.. వీరు తీసుకోలేదో.. పక్కన పెడితే ఆమె స్థానంలో దీపిక పిల్ల వచ్చింది. కానీ ఇంత వరకు కూడా ఆమె క్లిక్ కాలేదు. కనీసం ఆమె ఉందన్న విషయాన్ని కూడా ఎవ్వరూ గుర్తించడం లేదు. ఇలా మొత్తంగా ఆది, రష్మీ, సుధీర్ చుట్టే కామెడీ స్కిట్లు తిరుగుతున్నాయి.

వర్షిణి లేని లోటు..

అయితే ఈ పదమూడో సీజన్‌లో మాత్రం వర్షిణి లేని లోటు స్పష్టంగా కనిపిస్తోంది. ఆది వర్షిణి, రష్మీ సుధీర్ కలిసి చేసే కామెడీని బాగానే ఇష్టపడ్డారు. కానీ ఈసారి మాత్రం రష్మీ దీపిక పిల్లి ఓ వైపు ఉన్నారు. ఆది సుధీర్ మరో వైపు ఉన్నారు. గత సీజన్‌లో వచ్చినంత ఫన్ ఈ సారి మాత్రం రావడం లేదు.

తాజాగా రష్మీ అలా..

తాజాగా రష్మీ తన స్నేహితురాలి కోసం బయటకు వచ్చింది. తన ఫ్రెండ్ కొత్త డిజైన్లతో కొత్త బొటిక్‌ను ప్రారంభించింది. ఈ క్రమంలో రష్మీ ఓ యూట్యూబ్ చానెల్‌తో మాట్లాడింది. ఈ క్రమంలో రష్మీ కొన్ని ప్రశ్నలకు అదిరిపోయే సమాధానాలు ఇచ్చింది.

వర్షిణిపై ప్రశ్నలు..

ఢీ షోలో వర్షిణి ఎందుకురావడం లేదంటూ రష్మీని ప్రశ్నించాడు. దానికి రష్మీ వెరైటీ సమాధానం ఇచ్చింది.. ఢీ షో నాది కాదు.. ఆ విషయం నాకు ఎలా తెలుస్తుంది.. మల్లెమాల వారికి ఢీ టీంకు తెలుస్తుందంటూ రష్మీ తప్పించుకుంది.