Don't Miss!
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- News కేసీఆర్ కు రేవంత్ వార్నింగ్ - ఇక లెక్క పెట్టుకో..!!
- Technology ధర రూ.1799 కే, Youtube ,UPI ఫీచర్లతో Itel కొత్త ఫీచర్ ఫోన్! సేల్ వివరాలు
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Sports సూర్య సిగ్గుపడాలి.. క్రీడాస్ఫూర్తిని మరిచి నీఛమైన పని!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఏ హీరోను కించ పరచలేదు, ఎంత మంది సానిటరీ నాప్కిన్లు పంచుతున్నారు: యాంకర్ రష్మి
ఐస్ బకెట్ ఛాలెంజ్, రైస్ బకెట్ ఛాలెంజ్ మాదిరిగా.... తాజాగా 'బాటిల్ క్యాప్ ఛాలెంజ్' అనేది సోషల్ మీడియాలో ట్రెండ్ అవుతోంది. పలువురు హాలీవుడ్ స్టార్లతో పాటు ఇండియన్ స్టార్స్ అక్షయ్ కుమార్, అర్జున్ సార్జా తదితరులు ఈ ఛాలెంజ్ పూర్తి చేసి ఔరా అనిపించారు. తమ స్టంట్ ఫిట్నెస్ నిరూపించుకోవడంలో భాగంగానే ఈ ఛాలెంజ్ తెరపైకి వచ్చింది. అభిమానులు సైతం దీన్ని సవాల్గా స్వీకరిస్తూ వైరల్ చేశారు. సోషల్ మీడియాలో ట్రెండ్ అవుతున్న ఈ బాటిల్ క్యాప్ ఛాలెంజ్పై యాంకర్ రష్మి వివాదాస్పద వ్యాఖ్యలు చేశారు. దీంతో రష్మిని టార్గెట్ చేస్తూ పలువురు నెటిజన్లు విరుచుకపడ్డారు.
రష్మి చేసిన ట్వీట్ ఇదే
‘బాటిల్ క్యాప్ ఛాలెంజ్.. నిజంగా దీన్ని అంత సీరియస్గా తీసుకుంటున్నారా. ఇలాంటివి చేసేవాళ్లకి పనీపాటా ఉండదు. అనవసర ఛాలెంజెస్ చేయడం కంటే ఏదైనా పనికొచ్చే పనులు చేయడం మంచిది. ఇలా సోషల్ మీడియాలో విషయాలు కాకుండా రియల్ లైఫ్లో విషయాలపై ఫోకస్ పెట్టండి' అంటూ రష్మి ట్వీట్ చేశారు.
నాకు అభిప్రాయాలు వెల్లడించే హక్కు ఉంది
బాటిల్ క్యాప్ ఛాలెంజ్ మీద రష్మి ఇలాంటి వ్యాఖ్యలు చేశారు కాబట్టి... ఆమెపై జనాలు విమర్శలు చేయడం మొదలుపెడతారు అంటూ ఓ వ్యక్తి కామెంట్ చేయగా... రష్మి స్పందిస్తూ ‘నాకు నా అభిప్రాయాలు వెల్లడించే హక్కు ఉంది. మీకు ఇష్టమైతే స్వీకరించండి లేకుంటే వదిలేయండి. నేను మోబ్(జనం) మెంటాలిటీకి ఎఫెక్ట్ అయ్యే వ్యక్తిని కాదు.' అని స్పష్టం చేశారు.
నేను ఏ హీరోను ట్యాగ్ చేసి కించ పరచలేదు
‘బాటిల్ క్యాప్ ఛాలెంజ్' అంశంపై నేను చేసిన కామెంట్స్ ఎవరినీ ఉద్దేశించి చేయలేదు. ఏ సెలబ్రిటీని కించ పరిచే ఉద్దేశ్యం నాకు లేదు, ఎవరినీ ట్యాగ్ చేయలేదని రష్మి స్పష్టం చేశారు. ఇలాంటి ఛాలెంజెస్ చేసేపుడు పెద్ద పెద్ద స్టార్ల పేర్ల జనాలు వాడుకుంటున్నారు, కానీ వారు చేసే మంచి పనులను మాత్రం ఎవరూ ఫాలో అవ్వరని రష్మి వ్యాఖ్యానించారు.
ఎంత మంది సానిటరీ నాప్కిన్లు పంచుతున్నారు?
అక్షయ్ కుమార్ సర్ బాటిల్ క్యాప్ ఛాలెంజ్ చేయడం మాత్రమే కాదు... ‘పాడ్ మ్యాన్' సినిమా కూడా చేశారు. ఆ సినిమాలో చూపినట్లు మీలో ఎంత మంది సానిటరీ నాప్కిన్లు కొని ఈ సొసైటీలో పేదరికంలో ఉన్న అమ్మాయిలకు పంచడానికి సిద్దంగా ఉన్నారు. ఎంత మంది మహిళల రుతుస్రావం సమస్యలపై చైతన్యం కల్పించడానికి ప్రయత్నిస్తున్నారు... అంటూ రష్మి ప్రశ్నించారు.