ఆ ఘటనతో ఇండస్ట్రీ వదిలేద్దామనుకొన్నా..అమ్మా, చెల్లీ కూడా టార్చర్ పడ్డారు: యాంకర్ రవి

చలపతిరావు మాటలు వినపడలేదు

"చలపతిరావు అన్న మాటలు నాకు వినపడలేదు. ఏదో మాటల్లో పడి ఫ్లోలో 'సూపర్' అనాల్సి వచ్చింది. అదే విషయాన్ని మా డాడీకి చెప్పినా నమ్మలేదు. ప్రేక్షకుల వైపు నుంచి ఆలోచిస్తే ఆ మాటను నేను కూడా నమ్మను. పరిస్థితి అలాంటిది. ఆ సందర్భంలో అనిపించింది.. ఇండస్ట్రీ వదిలేసి వెళ్లిపోదామా అని.

మా డాడీకి ఆఫీస్‌లో టార్చర్

ఎందుకంటే.. మా డాడీకి ఆఫీస్‌లో టార్చర్. మీ అబ్బాయి ఏంటండీ ఇలా?.. చుట్టుపక్కల వాళ్లతో మా అమ్మకు టార్చర్. మీ కొడుకు ఇలా అన్నాడా అని. మా చెల్లికి కూడా ఆఫీస్‌లో తలెత్తుకోలేని పరిస్థితి. అందరికీ నా వల్ల ఇంత ప్రాబ్లం అయింది..

ఇంటికొస్తే చాలు అదే డిస్కషన్

ఈ ప్రొఫెషన్ అవసరమా? అని అనిపించింది. ఇంటికొస్తే చాలు ఇదే డిస్కషన్.. ఫేస్‌బుక్ ఓపెన్ చేస్తే ఇదే డిస్కషన్. కజిన్స్ కొంతమంది నమ్మారు. ఇక ఇండస్ట్రీలో నమ్మింది అంటే శ్రీముఖి, సుమగారు, ప్రదీప్.

శ్రీముఖి సపోర్ట్ మర్చిపోలేనిది

ఇలాంటి సిట్యుయేషన్‌ను మేము కూడా ఫేస్ చేశాం. ఇప్పుడు నువ్వు చెప్పింది ఎవరూ నమ్మరు అంటూ ఈ ముగ్గురి దగ్గర నుంచి నాకొచ్చిన సపోర్ట్ మర్చిపోలేనిది. ఆ రోజు శ్రీముఖి ఇచ్చిన భరోసా.. సుమగారు ఫోన్ చేసి ఇచ్చిన ఆ స్ట్రెన్త్ నన్ను ఇక్కడ ఉండేలా చేశాయి.'' అంటూ ఆ చేదు అనుభవాన్ని మళ్ళీ గుర్తు చేసుకున్నాడు రవి.