బిగ్‌బాస్ నుంచి శ్యామల అవుట్.. రెండోసారి మధ్యలోనే ఇంటిదారి!

ఇంట్లోకి సిల్లీ ఫెలోస్

సిల్లీ ఫెలోస్ హీరోలు సునీల్, నరేష్ ఇంట్లోకి ప్రవేశించారు. సభ్యులందరితో పలకరింపులు మొదలుపెట్టిన తర్వాత నాని ఆధ్వర్యంలో ఓ కామెడీ స్క్రిప్టును చెప్పాడు. సిల్లీ ఫెలోస్ చిత్రం రూ.500 కోట్ల చుట్టు తిరుగుతుంది కాబట్టి.. దాని బేస్ చేసుకొని రచ్చబండ కార్యక్రమాన్ని నిర్వహించారు.

రచ్చబండ వద్ద పెదరాయుడిగా

రచ్చబండ కార్యక్రమంలో సునీల్ పెద్దన్నగా, నరేష్ తమ్ముడి పాత్రను పోషించారు. వీరిద్దరి నాన్న చనిపోతూ రూ.500 కోట్లు ఒకరిపేరు మీద రాస్తారు. ఆ వ్యక్తి ఎవరు అనే వివాదంపై సభ్యుల చేత అభిప్రాయాలను తీసుకొన్నారు. చివరికి సునీల్, నరేష్‌కు చెరో 250 కోట్లు ఇచ్చి సమస్యను పరిష్కరించారు.

దీప్తి, కౌశల్ సేఫ్

సిల్లీఫెలోస్ ఇంటి నుంచి బయటకు వెళ్లిన తర్వాత నాని ఎలిమినేషన్ ప్రక్రియను మొదలు పెట్టారు. తొలుత నామినేట్ అయిన నలుగురు సభ్యుల నుంచి దీప్తిని సేఫ్ జోన్‌లోకి పంపించారు. ఆ తర్వాత కౌశల్‌ను రెండో వ్యక్తిగా ఎలిమినేషన్ నుంచి తప్పించారు.

శ్యామల రెండోసారి అవుట్

ఇక అమిత్, శ్యామల మిగిలి ఉండటంతో ఎవరు బయటకు వెళ్తారనే విషయంపై ఉత్కంఠ నెలకొన్నది. ఇక ఆ ఇద్దరి వ్యక్తుల నుంచి ఒకరిని సేఫ్ జోన్‌లోకి పంపిస్తున్నాని చెప్పి శ్యామలను ప్యాక్ యువర్ బ్యాగ్స్ అని చెప్పడంతో అమిత్ ఊపిరి పీల్చుకొన్నారు.

రోల్ రైడాపై శ్యామల బిగ్‌బాంబు

ఇంటి సభ్యులతో చివరిసారిగా మాట్లాడిన శ్యామల వేదికపై ఉన్న నాని వద్దకు చేరుకొన్నది. ఆ తర్వాత ఇంటి సభ్యులు గీతా, తనీష్‌తో మాట్లాడింది. ఆ తర్వాత రోల్ రైడాపై బిగ్‌బాంబ్ వేసింది. బిగ్‌బాంబ్ ప్రకారం ప్రతీ ఇంటి సభ్యుడికి సేవకుడిగా ఏ పని చెబితే అది చేయాల్సి ఉంటుంది.