యాంకర్ రవికి షాక్.. పటాస్‌కు శ్రీముఖి గుడ్‌బై.. వీడియో రిలీజ్

పటాస్ ఇంపార్టెంట్ షో

మీతో ఈ వీడియో ద్వారా ఓ ముఖ్యమైన విషయాన్ని పంచుకోవడానికి వచ్చాను. నా జీవితంలో, కెరీర్‌లో మోస్ట్ ఇంపార్టెంట్ షో పటాస్. ఎంతో ప్రజాదరణ పొందిన ఈ షోలో నన్ను భాగం చేయడం చాలా హ్యాపీగా ఉంది. అందుకు మల్లెమాల ప్రొడక్షన్, శ్యాంప్రసాద్ రెడ్డి, దీప్తి గారికి థ్యాంక్స్. వాళ్లు నన్ను ఈ కార్యక్రమంలో హోస్ట్‌గా అవకాశం ఇచ్చినందుకు మరీ మరీ థ్యాంక్స్ అని శ్రీముఖి అన్నారు.

పటాస్ సెట్స్‌కు వెళితే అదో ఎనర్జీ

ఎప్పుడూ పటాస్ కార్యక్రమం షూట్ చేసినా.. సెట్స్‌కు వెళ్లిన మాటల్లో చెప్పలేని ఎనర్జీ ఉంటుంది. స్టూడెంట్స్ అల్లరి నచ్చతుంది. ఐ లవ్ ది దట్ ఎనర్జీ. అలాంటి షో నుంచి నేను బ్రేక్ తీసుకొంటున్నాను. మల్లెమాల ఎంటర్‌టైన్‌మెంట్ నుంచి అనుమతి తీసుకొని ఈ నిర్ణయం తీసుకొన్నాను అని శ్రీముఖి వెల్లడించింది.

ప్రేక్షకులకు, ఫ్యాన్స్‌కు సమాధానం చెప్పాలని

పటాస్ షో ద్వారా నాకు మంచి గుర్తింపు వచ్చింది. నన్ను ఆదరించిన ప్రేక్షకులకు సమాధానం చెప్పుకోవాలనే బాధ్యతను తెలుసుకొని ఈ వీడియోను రిలీజ్ చేస్తున్నాను. నా ఫ్యాన్స్‌కు ఈ విషయం చెప్పాలనే ఉద్దేశంతో ఈ మెసేజ్ పాస్ చేయాలని డిసైడ్ అయ్యాను. పటాస్ నుంచి బ్రేక్ తీసుకొంటున్నాను అని శ్రీముఖి వెల్లడించింది.

యాంకర్ రవికి శ్రీముఖి షాక్

పటాస్ రియాలిటీ షో అత్యంత సుదీర్ఘంగా సాగుతున్నది. ఈ షోలో యాంకర్ రవి, శ్రీముఖి కెమిస్ట్రీ బుల్లితెర మీద అద్భుతంగా పండింది. ఈ జంట ప్రస్తుతం టాప్ రేంజ్‌లో కొనసాగుతున్నది. అలాంటి రవికి శ్రీముఖి తోడుగా లేకపోవడం గట్టి షాకే అనిచెప్పవచ్చు. శ్రీముఖి స్థానంలో ఎవరొస్తారో అనేది వేచి చూడాల్సిందే.