ఏకంగా ఎంగేజ్మెంట్ రింగ్ తెచ్చేసిన బోల్డ్ పాప.. అవినాష్ అరియానాల నిశ్చితార్థం!

అవినాష్ అరియానాలు అలా..

అవినాష్ అరియానాలు బిగ్ బాస్ షోలో చేసిన రచ్చను ఎవ్వరూ మరిచిపోలేదు. బిగ్ బాస్ టీం కూడా ఈ జంటపై బాగానే ఫోకస్ పెట్టింది. ఈ ఇద్దరి ట్రాక్‌ను జనాల్లోకి బాగానే తీసుకెళ్లారు. అలా ఈ ఇద్దరూ కూడా ఇప్పుడు ఆ క్రేజ్‌ను వాడేసుకుంటున్నారు.

స్పెషల్ ఈవెంట్‌,షోలు..

ఇప్పుడు బుల్లితెరపై అవినాష్ అరియానాల కెమిస్ట్రీ హైలెట్ అవుతోంది. బయటకు ఫ్రెండ్స్ అని చెప్పుకుంటున్నా.. తెర మీదకు వచ్చే సరికి మాత్రం ఓ రేంజ్‌లో కెమిస్ట్రీని పండిస్తుంటారు. ప్రేమ జంటలా నటిస్తుంటారు. అది నటనో నిజమో తెలియనంతగా జీవించేస్తుంటారు.

తాజాగా అలా..

100 పర్సెంట్ లవ్ షోలోనూ ఇద్దరూ అలానే చేశారు. ఆ ఇద్దరి రొమాంటిక్ పర్ఫామెన్స్ చూసిన అందరూ షాక్ అయ్యారు. నిజంగా చేస్తున్నారా? ఏది నిజం ఏది అబద్దమో పోల్చుకోలేకపోతోన్నామని యాంకర్ రవి స్టేజ్ మీదే అసలు విషయం అడిగేశాడు. త్వరలోనే చెబుతాను అంటూ అరియానా కూడా ఓ హింట్ ఇచ్చేసింది.

ఆ షోలో ఇలా..

అయితే సుమ నిర్వహిస్తోన్న స్టార్ట్ మ్యూజిక్ షోలో అవినాష్ అరియానాలు గెస్ట్‌లుగా వచ్చారు. అలా ఊరికే వస్తే ఆ షోకు ఎలా హైప్ వస్తే ఏం ఉంటుందని అనుకున్నారో ఏమో గానీ. ఓ స్క్రిప్ట్ రెడీ చేసేశారు. అరియానానే అవినాష్‌కు ప్రపోజ్ చేస్తున్నట్టుగా ఓ ప్రోమోను వదిలారు.

ఎంగేజ్మెంట్ రింగ్..

ఈ సమయంలో ఒకటి బయటకు చెప్పాలని అనుకుంటున్నాను అంటూ రింగ్ పట్టుకొచ్చింది అరియానా. అవినాష్ ముందు మోకాళ్ల మీద నిల్చుని ప్రపోజ్ చేసినట్టుంది. అయితే ప్రోమో చూస్తుంటే అక్కడే ఏదో ఎంగేజ్మెంట్ అయినట్టు కనిపిస్తోంది. కానీ షోలో అసలు సంగతి బయట పడుతుంది.