నువ్వు నాకు అక్కర్లేదన్న అషు.. సీరియస్ అయి షో నుంచి వెళ్ళిపోబోయిన రాహుల్.. మళ్లీ మొదలైందా?

ఎందుకో అలా

బిగ్ బాస్ హౌస్ నుండి బయటకు వచ్చాక ఆయన పునర్నవితో ఎక్కువగా కనిపించలేదు. పునర్నవి స్థానంలో అదే బిగ్ బాస్ హౌస్ లో కొన్నాళ్ళపాటు ఉండి బయటకు వచ్చేసిన అషురెడ్డితో ఫోటోలు పెట్టడం మొదలు పెట్టారు.. దీంతో అషు రెడ్డి అలాగే రాహుల్ సిప్లిగంజ్ మధ్య ఏదో ఉంది అనే ప్రచారం మాత్రం జరుగుతూ వచ్చింది. ఎప్పటికప్పుడు వీళ్ళిద్దరూ స్నేహితులమె అని చెప్పుకుంటూనే మళ్లీ అనుమానాలు రేకెత్తించే విధంగా ఫోటోలు పెట్టే వాళ్ళు..

ఏదో ఉంది అన్నట్టు

దీంతో వీరిద్దరి మధ్య ఏదో ఉంది అనే విషయం మీద చాలా చర్చోపచర్చలు జరుగుతూ వచ్చేవి. అషూ రెడ్డి, రాహుల్ మధ్య ఏదో ఉంది అనెట్టు వాళ్ళు ఇద్దరూ ఎందుకో అలా అనుమానాలు రేకెత్తిస్తూ ఉండేవారు. నెట్టింట్లో ఒకానొక సమయంలో వీరిద్దరూ తెగ ట్రెండ్ అయ్యారు కూడా. అసలు ఈ ఇద్దరూ ప్రేమలో ఉన్నారనీ, ఇంకేముంది పెళ్లి కూడా చేసుకోబోతోన్నారని అంటూ పెద్ద ఎత్తున వార్తలు కూడా బాగా వైరల్ అయ్యాయి.

రూమర్లకు చెక్ పెట్టీ

నా గుండెల్లో రాహుల్ ఉన్నాడని అషూ చెప్పిన మాటలతో ఆ రూమర్లకు ఇంకా బలం పెరిగింది. అయితే రాహుల్, అషూలు మాత్రం తామిద్దరం మంచి స్నేహితులం, అని మళ్లీ మాటలు చెప్పే వాళ్ళు. నా కోసం మూడు రోజులు షూటింగ్ చేసింది. కానీ ఒక్క రూపాయికూడా తీసుకోలేదని అషూకి నేనంటే అంతా ఇష్టం అంటూ తన ప్రేమను చూపించాడు రాహుల్.

మళ్లీ మొదలైనట్టు

అయితే ఈ ఎపిసోడ్ మళ్లీ మొదలైనట్టు కనిపిస్తోంది. సుమ క్యాష్ షోలో తాజాగా ఈ ఇద్దరూ కాస్త ఓవర్ డ్రామా చేశారు. ఎమోషనల్ గా గట్టిగా మాట్లాడుకుంటున్నారు కానీ వీళ్ళను నమ్మలేం, ఏదో స్కిట్ వేసినట్టు కనిపిస్తోంది. అయితే ప్రమొలో మాత్రం నిజంగానే ఈఇద్దరూ గొడవ పెట్టుకున్నారా? అనేంత సీన్ క్రియేట్ చేశారు. నువ్ నాకు అక్కర్లేదు.. అంటూ అషూ అనడం, అలాంటప్పుడు ఈ షోకు నన్ను ఎందుకు పిలవడం అంటూ రాహుల్ అలిగి వెళిపోయాడు.

Recommended Video

O Madhu Movie Trailer Is Out

అషూ కన్నీరు

అషూ కన్నీరు పెట్టుకున్నట్టు, నువ్వు నాకు అక్కర్లేదు అని ఆమె అనడం సుమ కూడా ఎమోషనల్ అయినట్టు ఓవర్ ప్రోమో కట్ చేశారు. అయితే ఇందులో నిజానిజాలు ఏమేరకు ఉన్నాయనేది కూడా తెలియాల్సి ఉంది. గతంలో ఇలా ప్రోమోలు కట్ చేసి ఎపిసోడ్స్ మీద హైప్ పెంచేవాళ్లు కానీ ఇప్పుడు జనం కూడా ఇలాంటి ప్రోమో లలో హడావుడి తప్ప ఏమీ ఉండదని గుర్తించారు. ఈ ప్రమోలో ఏమున్నది అనేది టెలికాస్ట్ అయితే కానీ చెప్పలేం.