ఆమెను అక్కడ ప్రెస్ చేసిన అవినాష్: వీడియో చూపించాలని నాగార్జునకు రిక్వెస్ట్

మోనాల్ పాలను దొంగిలించిన అవినాష్

ఈ వారం బిగ్ బాస్ హౌస్‌లో ‘రేస్ టు ఫినాలే' టాస్క్ మొదలైంది. మొదటి లెవెల్‌లో భాగంగా గార్డెన్ ఏరియాలో ఉన్న ఆవు నుంచి వచ్చే పాలను తమ దగ్గర ఉన్న బాటిల్స్‌లో నింపుకోవాలి కంటెస్టెంట్లు. ఈ టాస్కులో తన పాలు తక్కువగా ఉండడంతో మోనాల్ క్యాన్‌ నుంచి దొంగిలించాడు అవినాష్. దీన్ని గమనించిన ఆమె తన పాల కోసం అతడితో వాగ్వాదానికి దిగింది.

అవినాష్‌ను తన కాలితో తన్నిన మోనాల్

ఈ టాస్క్ జరుగుతోన్న సమయంలో అవినాష్... మిగిలిన కంటెస్టెంట్లపై అసహనం వ్యక్తం చేశాడు. మరీ ముఖ్యంగా అఖిల్, సోహెల్ ఎవరికీ ఛాన్స్ ఇవ్వకుండా నెట్టేస్తున్నారని ఆరోపించాడు. సరిగ్గా అలాంటి సయమంలోనే మోనాల్ గజ్జర్.. అవినాష్‌ను కాలితో తన్నింది. దీంతో అతడు బాగా ఫీల్ అయిపోయి గొడవకు దిగాడు. అప్పుడు అఖిల్ కూడా ఎంట్రీ ఇవ్వడంతో అది ఇంకా ఎక్కువైంది.

గేమ్ ఆడనంటూ వెళ్లి... మోసం చేశాడు

తనను మోనాల్ కాలితో తన్నడం... మిగిలిన కంటెస్టెంట్లు తనను పాలు పట్టుకోడానికి వీలు లేకుండా చేయడం వంటి కారణాలతో అవినాష్ టాస్క్‌ను మధ్యలోనే ఆపేశాడు. అంతేకాదు, ఇకపై టాస్క్ ఆడనని, కావాలంటే తనను ఎలిమినేట్ చేసుకోమని బిగ్ బాస్‌కు చెప్పాడు. ఇదిలా ఉండగా, ఇంట్లో ఉన్న పాలను, నీళ్లను తన క్యాన్‌లో పోసి అందరినీ మోసం చేసే ప్రయత్నం చేశాడు.

అవినాష్‌కు షాకిచ్చిన బాస్.. విమర్శలు

బజర్ మోగే సమయానికి ఎవరి దగ్గర తక్కువ పాట బాటిళ్లు ఉంటాయో.. వాళ్లు టాస్క్‌ నుంచి నిష్క్రమించాల్సి ఉంటుందని బిగ్ బాస్ ముందుగానే చెప్పాడు. మొదటి బజర్ సమయంలో అవినాష్ దగ్గర ఎక్కవ పాట బాటిళ్లే ఉన్నాయి. కానీ, అతడు నీళ్లు కలిపి మోసం చేశాడని కంటెస్టెంట్లు అందరూ కంప్లైంట్ ఇచ్చారు. దీంతో అవినాష్‌ను టాస్క్ నుంచి తప్పించాడు బిగ్ బాస్.

ఆమెను ప్రెస్ చేసినందుకే కొట్టానని చెప్పి

మోనాల్ తనను కొట్టినందుకు అవినాష్ బాగా ఫీల్ అయ్యాడు. అంతేకాదు, ఆమెకు అఖిల్ వత్తాసు పలకడాన్ని కూడా జీర్ణించుకోలేకపోయాడు. సరిగ్గా అలాంటి సమయంలోనే మోనాల్.. అవినాష్ దగ్గరకు వచ్చింది. ఈ విషయం గురించి క్లియర్ చేసుకుందామని ప్రయత్నించింది. ఆ సమయంలో ఆరియానాను ఆవు కింద ఉన్నప్పుడు ప్రెస్ చేసినందుకే కొట్టానని క్లారిటీ ఇచ్చింది.

Varsha Bollamma, Anand Devarakonda Interview Part 3 | Middle Class Melodies

వీడియో చూపించాలని నాగార్జునకు రిక్వెస్ట్

ఆరియానాను నెట్టేశానని మోనాల్ అనడంతో అవినాష్ తట్టుకోలేకపోయాడు. అంతేకాదు, ఒక అమ్మాయితో చెడుగా ప్రవర్తించాడని బ్యాడ్ నేమ్ వచ్చే ప్రమాదం ఉండడంతో అతడు బాగా బాధ పడ్డాడు. దీంతో వీకెండ్ ఎపిసోడ్‌లో ఆ గొడవకు సంబంధించిన వీడియోను చూపించి న్యాయం చేయాలని హోస్ట్ నాగార్జునకు రిక్వెస్ట్ చేశాడు. మరి ఈ గొడవపై ఆయన ఏం చేస్తాడో చూడాలి.