ప్రాణంగా ప్రేమించిన లవర్ హ్యాండిచ్చింది.. ఇక దేనినైనా తట్టుకుంటా.. అరియానాతో అవినాష్ ఎమోషనల్

బ్రేకప్‌ను తట్టుకొన్నాను.. ఇక ఏదైనా సరే

అరియానాతో సరదాగా సాగిన డిస్కషన్ ఒక్కసారిగా సీరియస్ అయిపోయింది. నేనే ప్రాణానికి ప్రాణంగా ప్రేమించిన అమ్మాయే నన్ను వదిలేసి పోయింది. అప్పుడే తట్టుకొని నిలబడ్డాను. దానిని భరించాను. దాని ముందు ఏదైనా తట్టుకోగలను అని అరియానాతో అన్నాడు. చాలా ఎమోషనల్‌గా మాట్లాడుతుండగా, అరియానా సీరియస్‌గా మాట్లాడుతూనే అవినాష్‌పై పంచ్ వేసింది.

ఇది గుర్తుపెట్టుకో.. మున్ముందు చాలా అవసరం

అవినాష్ బ్రేకప్ విషయంపై టాపిక్‌ను కొనసాగిస్తూ.. ఇది గుర్తు పెట్టుకొ. మనకు బాగా పనికి వస్తుంది. నామినేషన్ సమయంలో ఈ పాయింట్ వాడుకోచ్చు అంటే.. అవినాష్ దేనికైనా సిద్ధం అంటూ ఫోజు పెట్టారు. అరియానా, అవినాష్ మధ్య ఇలా డిస్కషన్ కొనసాగుతుండగా పక్కనే ఉన్న అఖిల్‌తో కలిసి కూర్చున్నది.

మైండ్ సెట్ మార్చుకొన్నావు అంటూ అవినాష్

అఖిల్‌తో మోనాల్ గజ్జర్ కూర్చోవడంపై ఇచ్చిన మాటను నిలబెట్టుకోలేదు. నీవు ఇక్కడికి వచ్చి కూర్చొంటావని చెప్పావు. కానీ వెళ్లి అఖిల్ పక్కన కూర్చున్నావు అని అవినాష్ సెటైర్ వేశాడు. నీవు మైండ్ సెట్‌ మార్చుకొన్నావు. నీవు వస్తావని చెప్పావు. అయితే వెళ్లి అఖిల్‌తోనే మాట్లాడుకో అంటూ అవినాస్ సీరియస్ అయ్యాడు.

అవినాష్ నుదుటిపై ముద్దు

దాంతో అఖిల్‌ వద్ద నుంచి లేచి వచ్చి అవినాష్ నుదటిపై ముద్దు పెట్టింది. దాంతో అవినాష్ ఒక్కసారిగా షాక్ గురయ్యాడు. పక్కనే ఉన్న అరియానా కూడా విస్తుపోయి కూర్చొన్నది. మెనాల్ నాకు ఇక్కడ ముద్దు పెట్టింది అంటూ అందరికి నుదురును చూపిస్తూ అవినాష్ సంతోషంలో మునిగిపోయాడు.