టాప్ 5 నుంచి అవుట్.. ఎలిమినేట్ అవుతూ షాకిచ్చిన హారిక.. అలా పిలవడంతో హర్టైన అఖిల్

మొదటిసారిగా అలా..

కరోనా ఉండటం మూలానా ఇంతవరకు బిగ్ బాస్ ఇంట్లోకి ఎవ్వరూ వెళ్లలేదు. అందులోంచి బయటకు రావడమే గానీ ఇంత వరకు లోపలకు ఎవ్వరూ వెళ్లలేదు. అలా మొదటి సారిగా టాప్ 5 కంటెస్టెంట్లలో ఒకరిని ఎలిమినేట్ చేసి బయటకు తీసుకొచ్చేందుకు అనిల్ రావిపూడి, మెహ్రీన్‌లు లోపలకి వెళ్లారు.

ఎంటర్టైన్మెంట్ ఇస్తూ..

లోపలకి వెళ్లిన అనిల్ రావిపూడి ఇంటి సభ్యులక పలు రకాల ప్రశ్నలు సంధించాడు. ఇంట్లో వేరే వారి కప్పుల్లో టీ తాగారా? టవల్స్ వాడారా? కొట్టాలని అనిపించిందా? ఎవరి గురించైనా చెడుగా మాట్లాడారా? అంటూ పలు రకాల ప్రశ్నలు అడిగారు. చివరకు అందరిని ఒక్కో ప్రశ్నను అడుగుతూ ఎంటర్టైన్ చేశాడు.

క్రేన్‌లో పైకి ఎత్తారు..

ఇక ఎలిమినేషన్‌ను కొత్తగా చేశారు. అందరికీ కళ్లగంతలు కట్టేసి.. మెహ్రీన్ చేత హారికను క్రేన్‌లో కూర్చోపెట్టారు. అలా హారిక గాల్లో తేలిపోయింది. అయితే వెళ్లేటప్పుడు అందరికీ షాక్ ఇచ్చింది. గాల్లో తేలిపోతూ చివరగా అందరి మీద ఓ బాంబు వేసేసింది.

బ్రదర్స్ అంటూ పిలిచేసింది..

ఇక హారిక పైన గాల్లో తేలిపోతూ.. మిస్ యూ బిగ్ బాస్ లవ్యూ యూ బిగ్ బాస్ అని అరిచేసింది. ఎవరో ఒకరు వెళ్లాల్సిందే కదా అంటూ అందరినీ ఊరడించే ప్రయత్నం చేసింది హారిక. అలా పైకి వెళ్లిపోతూ అందరినీ బ్రదర్స్ అనేసింది. ఇన్నాళ్లూ ఫ్రెండ్స్ అని ఇప్పుడు వెళ్లే ముందు బ్రదర్స్ అంటావా? అని అఖిల్ సోహెల్ కౌంటర్లు వేశారు. అలా బ్రదర్ అని పిలవడంతో అఖిల్ నిజంగానే హర్ట్ అయినట్టున్నాడు.