Don't Miss!
- News ఉండి టీడీపీలో వార్ - మారుతున్న లెక్కలు, ఆడియో వైరల్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘బిగ్ బాస్ 11’ అపశృతి: ఇన్ఆర్బిట్ మాల్లో నటి జుట్టుపట్టి లాగిన ఫ్యాన్స్!
హిందీలో ప్రస్తుతం 'బిగ్ బాస్' 11వ సీజన్ రన్ అవుతున్న సంగతి తెలిసిందే. బాలీవుడ్ సూపర్ స్టార్ సల్మాన్ ఖాన్ ఈ షోను హోస్ట్ చేస్తున్నారు. ఈ షోలో పాల్గొన్న వారికి బిగ్ బాస్ ఎప్పటికప్పుడు కొత్త పరీక్షలు పెట్టడం తెలిసిందే. తాజాగా బిగ్ బాస్ పెట్టిన ఓ పరీక్ష వికటించింది. దీంతో బిగ్ బాస్ పోటీ దారుల్లో ఒకరైన నటి హీనా ఖాన్కు చేదు అనుభవం ఎదురైంది.
బిగ్ బాస్ పెట్టిన పరీక్ష ఏమిటి?
బిగ్ బాస్ 11షోలో ఈ వారం హీనా ఖాన్, శిల్పా షిండే, వికాస్ గుప్తా, లవ్ త్యాగి ఎలిమినేషన్కు నామినేట్ అయ్యారు. నామినేషన్ నుండి బయట పడేందుకు బిగ్ బాస్ వీరికి సరికొత్త పరీక్ష పెట్టారు. ఈ నలుగురూ ముంబైలోని ఇన్ ఆర్బిట్ మాల్కు వెళ్లాలని, అక్కడ లైవ్ ఆడియన్స్ ఎవరు బిగ్ బాస్ షోలో కొనసాగాలనేది నిర్ణయించేలా ప్లాన్ చేశారు.
జైలు లాంటి గదిలో ఉంచి...
ఎలిమినేషన్కు నామినేట్ అయిన ఈ నలుగురినీ ఇన్ ఆర్బిట్మాల్లో జైలు లాంటి గదిలో ఉంచారు. బిగ్ బాస్ పోటీదారులను చూసేందుకు మాల్కు అభిమానులు పోటెత్తారు. ఎంతలా అంటే సెక్యూరిటీ సిబ్బంది సైతం కంట్రోల్ చేయలేనంత వచ్చారు.
|
హీనా ఖాన్ జుట్టు లాగారు
భారీగా బిగ్ బాస్ అభిమానులు పోటెత్తడంతో ఇన్ ఆర్బిట్ మాల్ లో గందరగోళ వాతావరణం నెలకొంది. ఈ క్రమంలో ఓ అభిమాని హీనా ఖాన్ జుట్టుపట్టి లాగారు. అయితే వెంటనే మరో పోటీ దారుడు వికాస్ గుప్తా ఆమెను కాపాడారు.
|
శిల్పా షిండే మద్దతు దారుడు
హీనా ఖాన్ జుట్టు పట్టి లాగిన వ్యక్తి చేతిలో శిల్పా షిండేను సపోర్టు చేస్తున్న పోస్టర్ ఉండటం గమనార్హం. అతడు కావాలనే హీనా ఖాన్ మీద కోపంతో ఇలా చేసి ఉంటాడనే అనుమానాలు వ్యక్తం అవుతున్నాయి.
|
15 నిమిషాల్లోనే అక్కడి నుండి తరలింపు
తాము ఊహించిన దానికంటే ఎక్కువ మంది బిగ్ బాస్ అభిమానులు రావడం, సెక్యూరిటీ ఇష్యూ ఏర్పడే అవకాశం ఉండటంతో వెంటనే బిగ్ బాస్ పోటీ దారులను అక్కడి నుండి 15 నిమిషాల్లోనే తరలించేశారు.