బిగ్ బాస్ 12: శ్రీశాంత్‌కు షాక్... విజేతగా అవతరించిన టీవీ నటి దీపిక కక్కర్

ఆనందంతో ఏడ్చేసిన దీపిక కక్కర్

చివరి వరకు ఉత్కంఠగా సాగిన షోలో.... సల్మాన్ ఖాన్ తన పేరు ప్రకటించగానే దీపిక కక్కర్ భావోద్వేగానికి గురై ఏడ్చేశారు. ఆమె భర్త షోయబ్ ఇబ్రహీం సైతం భావోద్వాగానికి లోనయ్యారు. ఈ సందర్బంగా దీపిక ఫ్యామిలీని కూడా సల్మాన్ ఖాన్ స్టేజ్‌పైకి ఆహ్వానించారు.

105 రోజుల పాటు సంతోషంగా

105 రోజుల పాటు హౌజ్‌లో సంతోషంగా గ‌డిపిన‌ట్టు ఈ సంద‌ర్భంగా దీపిక కక్కర్ తెలిపారు. నన్ను విజేతగా నిలిబెట్టిన ప్రతి ఒక్కరికీ థాంక్స్. శ్రీశాంత్, దీపిక్ ఠాకూర్‌తో కలిసి ఫైనల్ వరకు చేరుకోవడం ఆనందంగా ఉంది. టైటిల్ దక్కించుకునేందుకు నా స్టైల్‌లో గేమ్ ఆడాను, నన్ను విజేతగా నిలబెట్టిన ఆడియన్స్‌కు థాంక్స్ అని చెప్పారు.

బిగ్ బాస్ అంటే అదీ అని నిరూపించాలనుకున్నాను

బిగ్ బాస్ షో అంటే ఒకరిపై ఆధిపత్యం చూపించడం కాదు, ఎదుటువారిని డిమాండ్ చేయడం కాదు... నిజాయితీగా, అందరితో మంచిగా ఉండటం అని నిరూపించాలనుకున్నాను. ఈ షోలో నన్ను నేను ప్రజెంట్ చేసుకున్న తీరుపై ఆనందంగా ఉన్నానని దీపిక తెలిపారు.

శ్రీశాంత్ గెలిచినా హ్యాపీ

ఒకవేళ తన సహచర కంటెస్టెంట్ శ్రీశాంత్ విజేతగా నిలిచినా తను ఇంతే హ్యాపీగా ఉండేదాన్ని, శ్రీశాంత్‌ నా సొంత అన్నయ్యలాంటి వ్యక్తి అని దీపిక కక్కర్ వెల్లడించారు.

Poll: 2018 ఉత్తమ తెలుగు చిత్రం

ఫార్ములా ఏమీ ఉండదు

బిగ్ బాస్ లాంటి కాంట్రవర్సల్ రియాల్టీ షోలో విజయం సాధించడానికి ఫార్ములా అనేది ఏమీ ఉండదు, మీ మనసుకు రైట్ అనిపించింది చేస్తూ పరిస్థితులకు అనుగుణంగా ముందుకు సాగడమే అని దీపిక కక్కర్ వెల్లడించారు.

Poll: ఉత్తమ విమర్శకుల ప్రశంసలు పొందిన 2018 తెలుగు చిత్రం