రూ.400 కోట్ల డీల్ ఫిక్స్... బిగ్ బాస్ హోస్ట్ చేసే ఆ హీరోగారికి షాకింగ్ రెమ్యూనరేషన్!

రేటు పెంచుతూ వెళుతున్నాడు

‘బిగ్ బాస్' ప్రతీ సీజన్‌కు సల్మాన్ ఖాన్ తన రెమ్యూనరేషన్ పెంచుతూ పోతున్నారు. 2017లో ప్రసారమైన 11వ సీజన్‌కు ప్రతివారం రూ. 11 కోట్లు రెమ్యూనరేషన్ తీసుకున్నారు. గతేడాది 12వ సీజన్లో రూ. 12 కోట్ల నుంచి 14 కోట్లు చార్జ్ చేశారని, ఓవరాల్‌గా రూ. 300 నుంచి రూ. 350 కోట్లు తీసుకున్నట్లు అంచనా.

నెక్ట్స్ సీజన్ రెమ్యూనరేషన్ ఎంతంటే?

త్వరలో ప్రారంభం కాబోయే బిగ్ బాస్ 13వ సీజన్ కోసం సల్మాన్ ఖాన్ ప్రతీ వీకెండ్(2 రోజులు) హోస్ట్ చేసేందుకు రూ. 31 కోట్లు తీసుకోబోతున్నారట. అలా మొత్తం 13 వీకెండ్స్ హోస్ట్ చేసినందుకుగాను రూ. 403 కోట్ల రూపాయల ఫీజు అందుకోబోతున్నారని బాలీవుడ్ మీడియాలో ప్రచారం జరుగుతోంది.

ఒకప్పటితో పోల్చుకుంటే ఇపుడు భారీగా

బిగ్ బాస్ 4వ సీజన్, 5వ సీజన్ హోస్ట్ చేసే సమయంలో సల్మాన్ ఖాన్ ఒక్కో ఎపిసోడ్ కోసం రూ. 2.5 కోట్లు తీసుకునేవారు. 7వ సీజన్లో రూ. 5 కోట్లు, 8వ సీజన్లో రూ. 5.5 కోట్లు, 9, 10వ సీజన్ సమయంలో 8 కోట్లు, 11వ సీజన్ సమయంలో ఒక్కో ఎపిసోడ్ కోసం రూ. 11 కోట్లు చార్జ్ చేసినట్లు టాక్.

మొదలయ్యేది ఎప్పుడు?

సల్మాన్ ఖాన్ మోస్ట్ చేయబోయే బిగ్ బాస్ 13వ సీజన్ సెప్టెంబర్ 29 నుంచి ప్రారంభం కాబోతోంది. ఇందులో పాల్గొనే కంటెస్టెంట్లు ఎవరు? ఈ సారి షో ఎలా ఉండబోతోంది అనే అంశాలపై త్వరలోనే ఓ క్లారిటీ వచ్చే అవకాశం ఉంది.